නිමල් සිරිපාලද සිල්වා, අනුර ප‍්‍රියදර්ශණ යාපා, සුසිල් පේ‍්‍රමජයන්ත යන මහත්වරුන් මේ හමුව සඳහා මෙම සාකච්චාව සඳහා එක්ව ඇති අතර ඔවුන් දැඩිව පෙන්වා දී ඇත්තේ මහින්ද රාජපක්ෂ නැතිව මැතිවරණයට යාමෙන් පක්ෂය විනාශ වීම අනිවාර්ය බවයි.
කෙසේ වෙතත් හිටපු ජනාධිපතිවරයා අගමැති අපේක්‍ෂකයා ලෙස නම් නොකිරීම සම්බන්ධයෙන් දැඩි ස්ථාවරයක මෛත්රීපාල සිරිසේන සිටින බවද වාර්තා වේ.කෙසේවත් සන්ධාන විධායක සභාව පෙන්වා දි ඇත්තේ මෛත්‍රී විසින් මහින්දව අගමැති ලෙස නම්,කලත් නොකලත් රටේ ජනතාව මහින්ද රාජපක්ෂ අගමැති කර අවසන් බවයි.
මේ අතර අමාත්‍ය අර්ජුන රණතුංග එක්සත් ජාතික පක්ෂයෙන් මැතිවරණයට ඉදිරිපත් විමට හැකියාවක් තිබේද යන්න එජාප නායකයාගෙන් විමසා තිබේන බව වාර්තා වේ.2010 ජනාධිපතිවරණයේදිද යන එන මං නැතිකරගත් අර්ජුන අවසානයට ජනතා විමුක්ති පෙරමුණ සමග එක්ව සරත් ෆොන්සේකා විකුණමින් යන්තම් පාර්ලිමේන්තුවට පිවිසි අයෙකි.
සියල්ලටම වඩා තමන්ගේ සහොදරයා වන ප්‍රසන්න රණතුංග අද ජනප්‍රිය තරුවක් බවට පත්විම අර්ජුන පක්ෂය අතහැර යැමට හේතු වි තිබේන බවයි අප වාර්තාකරු සදහන් කළේ.
‘මෛත්‍රිපාල සිරිසේන ජනාධිපතිතුමා, හිටපු ජනාධිපතිතුමායි ඒ කල්ලියයි නැවත ගෙනාවොත් එතුමාටත් ඔය ජනාධිපති පුටුවේ වැඩිකල් ඉන්න ඒගොල්ලෝ ඉඩ තියන්නේ නැහැ, එතුමාගේ ජීවිතයට පවා තර්ජනයක්, ඒ විතරක් නෙවෙයි අපි රාජිතලා, දුමින්ද දිසානායකලා, හිටපු ජනාධිපතිතුමිය ඇතුළු කණ්ඩායම ඉදිරිපත් වුනේ මෛත්‍රිපාල සිරිසේන ජනාධිපතිතුමාව විශ්වාස කරලා. ඉතින් එතුමාට ඒ විශ්වාසය ඇති කරන්නත් පුළුවන් නැති කරන්නත් පුළුවන් මේ ඡන්දෙදී’ යනුවෙන් අර්ජුන ප්‍රකාශයක්ද කර තිබේ.
No comments
Post a Comment