ඉන් පලමු වැන්න මහින්ද නොමැතිව ශ්‍රිලනිපය හෝ සන්ධානයකට ජයග්‍රහණයක් ලබාගත නොහැකි බවත්.දෙවැන්න සන්ධාන මැතිවරණය මෙහෙය විමේ බලය හා නාමයෝජනා මහින්දට ලබා දිමට මෛත්‍රීට සිදුවි ඇත යන්නයි.
නමුත් මෛත්‍රී බොහෝ දේ ඉගෙන ගත යුතුව තිබේ. නැතහොත් රාජ්‍ය තාන්ත්‍රික ආචාර ධර්ම වලට පටහැනිව ශ්‍රිලනීප මාධ්‍ය නිවේදන ජනාධිපති මාධ්‍ය අංශය හරහා නිකුත් කිරිමට කටයුතු නොකරනු ඇත.
විශේෂ නිවේදනයයි
ශ්‍රී ලංකා නිදහස් පක්ෂයේ නාම යෝජනා ලබා දීම සම්බන්ධවයි
ඉදිරියේ පැවැත්වෙන පාර්ලිමේන්තු මැතිවරණය සඳහා ශ්‍රී ලංකා නිදහස් පක්ෂයේ අපේක්ෂකයන් තේරීමේ කටයුතු මේ වන විට ආරම්භ කර ඇත.සියළුම දිස්ත්‍රික්ක වලට අදාල අපේක්ෂකයන් තෝරාගැනීමේ කටයුතු මේ සතියේ සිකුරාදා එනම් ජුලි මස 03 වෙනි දින අවසන් කිරීමට නියමිත ය.
ශ්‍රී ලංකා නිදහස් පක්ෂ මූලස්ථානයේ මේ වන විට අපේක්ෂකයන් තේරීමේ නාම යෝජනා කටයුතු සඳහා සම්මුඛ පරීක්ෂණ සිදු කෙරෙන අතර ශ්‍රී ලංකා නිදහස් පක්ෂ අපේක්ෂක කණ්ඩායම තුල තරඟ කරන කිසිදු අපේක්ෂකයෙකු අගමැති අපේක්ෂකයෙකු වශයෙන් නම් කිරීමක් සිදු කර නොමැති අතර අගමැති අපේක්ෂකත්වය පිලිබඳව ශ්‍රී ලංකා නිදහස් පක්ෂයේ සභාපති ගරු මෛත්‍රීපාල සිරිසේන මැති තුමන් කිසිදු එකඟතාවයක් ප්‍රකාශ කර නොමැත.
ශ්‍රී ලංකා නිදහස් පක්ෂය ප්‍රමුඛ එක්සත් ජනතා නිදහස් සන්ධානය මැතිවරණයෙන් ජයග්‍රහණය ලැබුවහොත් අගමැතිවරයෙකු පත් කරනු ලබන්නේ මහ මැතිවරණයෙන් පසුව පත්වන මන්ත්‍රීවරුන්ගේ අදහස් මත වන අතර හිටපු ජනාධිපති මහින්ද රාජපක්ෂ මහතාව අගමැති අපේක්ෂකයෙක් වශයෙන් පිලිගැනීම හෝ ප්‍රකාශයට පත් කිරීම ශ්‍රී ලංකා නිදහස් පක්ෂයේ ගරු සභාපති මෛත්‍රීපාල සිරිසේන මැතිතුමා විසින් සිදුකර නොමැති බව දන්වා සිටිමු.
ජනාධිපති මාධ්‍ය අංශය
2015 - 06 - 30
No comments
Post a Comment