අපගේ නුතන ජනාධිපති සිරිසේනගේ මියගිය නැතහොත් මරාදමනු ලැබූ බාල සොහොයුරාත් මිහිපිට ජීවත්වූ පාපතර පව්කාරයකු විය. අපගේ සමාජය හුරු පුරුදු වී ඇත්තේ මියගිය අපරාදකාරයකු වුවත් අනේ පව් කියා යහපත් පුද්ගලයෙකු ලෙස සැලකීමටය. මානුෂිය ගුණ ධර්මයනට අනුව මෙවන් සිතුවිලි ඇති ලොව එකම ජාතිය සිංහල ජාතිය බවට අවිවාදයක් නොමැත. බුදු දහමින් පෝෂණය වූ අප ජාතිය සතු ඉහල ගුණාංග අප අගය කොට යුතුය. 80-90 දශකයේ පාතාල ලෝකයේ දරුණු මිනිමරුවන්ගේ මළගෙවල් වල මතක බණට වැඩිය ස්වාමින්වහන්සේලා ඔවුන්ගේ ගුණයන් ඉස්මතු කොට කියූ කථා අප අසා ඇත්තෙමු. එහි හොදක් මෙන්ම නරකක් ද ඇත. හොද යනු ජිවත්ව සිටින අනිකුත් පුද්ගලයින් යහමගට ගැනීම පිණිසය. වැරැද්ද මැරුණ එකාට නැති ගුණ ආදේශ කිරීමට යෑමය .
ජනාධිපති සිරිසේන හා මියගිය සොයුරු ප්‍රියන්ත සිරිසේන අතර විරසකයක් මවා පාමින් ජනාධිපති සිරිසේනට සුදුහුණු ගෑමේ නිර්ලජ්ජිත ප්‍රයත්නයක අද යහපාලන මාධ්‍ය නිරත වේ. මේ ලිපියේ අරමුණ එය එසේ නොවන බව හෙළිදරව් කිරීමය. ප්‍රියන්ත සිරිසේන නොහොත් වැලි රාජු අද ඔවැනි තැනකට ඇද දැමීමට මුලිකව ක්‍රියා කර ඇත්තේ අන් කවුරුන් වත් නොව මෛත්‍රීපාල සිරිසේනම බව ඔවුන්ගේ පවුල් සංස්ථාව හොදින්ම දන්නා උතුරු මැද පළාත් සභාවේ තදයෙකු මා සමග පැවසුයේ මොහු බෙරා ගැනීමට හා හොද මගට ගැනීමට මේ පවුලේ අයට පුළුවන් කම තිබුනත් ඔවුන් එසේ නොකළ බවය.. මියගිය ප්‍රියන්ත සිරිසේන ජනාධිපති සිරිසේන පවුලේ බාල පිරිමියාය. ඔහු මහා සිරිසේනට වඩා අවු 20 කින් බාලය. කුඩා කල සිටම දාමරික ගති පැවතුම් පෙන්වා ඇති පොඩි සිරිසේන හැදී වැඩි ඇත්තේ සමාජයට පිළිලයක් ලෙසය. පවුලේ අන්තිමයා බැවින් සහෝදරියන් ගණනාවකගේ ආදරය මැද ඇතිදැඩි වුන ප්‍රියන්ත සිරිසේන නොහොත් රාජු කුඩා කල ගමේ මිනිස්සුන්ට කරදර කොට අඩන්තේට්ටම් කොට පැමිණි කොට සිරිසේන පවුල කර ඇත්තේ ඔහුව ආරක්ෂා කිරීමය. ප්‍රියන්ත සිරිසේන නොහොත් රාජු තරුණ වියට එළබෙන කාලයෙහි ලොකු සිරිසේන බියකරු ප්‍රේමදාස පාලනයෙන් පසු භීෂණයෙන් තොර නිදහස් පාර්ලිමේන්තු මැතිවරණයක ජය ලැබුවේ චන්ද්‍රිකා කුමාරතුංග යටතේ පිහිටුවනු ලැබූ රජයක මන්ත්‍රීවරයෙකු ලෙසය. මෙම මැතිවරණයේ සිය යහළු කොල්ලෝ කුරුට්ටෝ එකතු කරගෙන මහ සිරිසේනට චන්ද ව්‍යාපාරය සදහා ලොකු ශක්තියක් වී ඇත්තේද ප්‍රියන්ත සිරිසේන නොහොත් වැලි රාජුය. අයියා පාර්ලිමේන්තු මන්ත්‍රී ලෙස පත්ව යද්දි පොඩි සිරිසේන ප්‍රදේශයේ පොඩි පොඩි ව්‍යාපාර සදහා අත්වැල් දමා ඇත. ප්‍රියන්ත සිරිසේන නොහොත් රාජු යනු සාමාන්‍ය මිනිසුන් අතර ගැවසුන චරිතයක් වූ අතර ඔහුගේ ව්‍යාපාර සියල්ල පදනම් වී ඇත්තේ සාමාන්‍ය ජනයා අතර ය. ජනතාවට මේ ව්‍යාපාර විටෙක ඔවුනට වාසියක් හා විටෙක පිඩාවක් ලෙසය ඉදිරියට ගොස් ඇත . ප්‍රියන්ත සිරිසේන නොහොත් රාජු ගේ ප්‍රදාන අදායම් මාර්ගයක් වී ඇත්තේ ජෝඩු වලට කාමර කුලියට දෙන ව්‍යාපාරය ය. උතුරේ මෙහෙයුම් වල සිට පැමිණෙන හමුදා සෙබළුන් ගේ ප්‍රධාන නැවතුම් පලක් වුයේද පොළොන්නරුවය. මෙසේ ගිමන් නිවන හමුදා අංශ සාමාජිකයන්ගේ අවශ්‍යතා ඉටු කිරීම මොවුන් යහමින් මුදල් හරි හම්බ කල ප්‍රධාන තෝතැන්නකි.
සිය සොයුරාගේ චන්ඩි ගති හා නොමනා හැසිරීම් වලින් මෙන්ම ඔහු හා සිටි මදාවි ගෝල බාලයන්ගේ , යහළුවන්ගේ ශක්තිය සිරිසේන පවුලට හා ඔවුන් විසින් ආරම්භ කල විවිධ ව්‍යාපාරයන්ට මහත් ශක්තියක් විය. මේ හේතුවෙන් මොහු ආණ්ඩු මට්ටු කිරීමට සිරිසේන පවුලට කිසිම උවමනාවක් නොවි ඇත. ඔහුගේ ක්‍රියාකාරකම් ඔවුනට අත්‍යවශ්‍ය මෙවලමක්ම වී ඇත.මෛත්‍රීපාල සිරිසේන පවුලට අවශ්‍ය ව්‍යාපාර සදහා චන්ඩි බලය සැපවුයේ ප්‍රියන්ත සිරිසේන නොහොත් රාජු හා කල්ලිය විසිනි. මේ කල්ලිය විසින් බලහත් කාරයෙන් ඉඩම් වලින් පන්නා දැමු අසරණයින් ගණනාවක් අදත් පොලොන්නරුව හා අවට සිටිති. සිය සොහොයුරාගේ දේශපාලන බලය මොහු විසින් කදිමට තම පවුලේ දියුණුව වෙනුවෙන් කැප කළේය. මෛත්‍රීපාල සිරිසේන නම් සිය සොහොයුරා වෙනුවෙන් අනුගමනය කලේ දෙබිඩි ජීවිතයකි. මෛත්‍රීපාල තම සොහොයුරා ප්‍රියන්ත සිරිසේන නොහොත් රාජු නොමනා වැඩක් කොට අනාගත් හැම වෙලේම කලේ පොඩි සද්දයක් දමා අත පිහදා සුදනාවිමය. සිරිසේන පවුල ගැන දන්නා අයට මේ යථාර්තය සාමාන්‍ය දෙයක්ම විය. මෛත්‍රීපාල සිය අයෝමය හස්තය හා මැරකම් පොලොන්නරුව හා අවට පුරා ක්‍රියාත්මක කලේ ප්‍රියන්ත සිරිසේන නොහොත් රාජු හා ඔහුට හිතවත් සගයන් හරහාය. තමාගේ වැලි ව්‍යාපාරය හෝ සිය සොයුරන්ගේ ව්‍යාපාරයනට එල්ලවූ සැම විරුද්ද බලයක්ම සිරිසේන පවුල මැඩ පැවැත් වුයේ ප්‍රියන්ත සිරිසේන නොහොත් රාජු හා සම්බන්ද කල්ලි හරහාය.
මොහු නිසා පිඩාවට පත්වූ පවුල් කිහිපයක් අද මොහුගේ වියෝවෙන් සැනසුම් සුසුම් හෙලනු නොඅනුමානය. මොහු නිසා කරදරයට පත්වූ ස්ත්‍රීන් ගණනාවකි. අද මාධ්‍ය විසින් වෙනත් චිත්‍රයක් මවා පෙන්වීමට උත්සහා දරුවත් මොහු අවසන් ගමන් ගියේද සිය බලපරාක්‍රමය භාවිතා කොට කරගෙන ගියාවූ සල්ලාල ගමනක ප්‍රතිපලයක් ලෙසය. අද මෛත්‍රීපාල පාලනය විසින් ප්‍රියන්ත සිරිසේන නොහොත් රාජු මරණයට පත්වූ සත්‍ය වසන් කිරීම සදහා රාජු ගේ අවසන් කටයුතු වලට වඩා දැඩි ප්‍රයත්නයක යෙදී ඇත. ප්‍රියන්ත සිරිසේන නොහොත් රාජු යනු අධික ලෙස මත්පැනට ලොල්වූ දාමරිකයෙකු මෙන්ම කමාතුරයෙකි . සිය මිතුරන්ගේ අබුවන් සරණ පතා ගොස් මිට කලින්ද මොහු යම් යම් අකරතැබ්බයනට මුහුණදී ඇත. මේ සිද්දිය වනදාත් මොහු සිය මිතුරා හා අමනාප වී ඇත්තේ මෙවන් කරුණක් නිසාමය. මොහුගේ කුරුමානම වැරදුන තැන මොහු විසින් ඔහුගේ මිතුරාට හා පවුලේ අයට සිය සොහොයුරාගේ ජනාදිපති බලපරාක්‍රමය පාවිච්චි කොට නොයෙකුත් කරදර වැඩ හිංසා පමුණුවා ඇත. මේ නිසා එම පවුලේ උදවිය ජිවත්ව ඇත්තේ බයින් හා දරුණු මානසික පීඩනයක් මැදය . මෛත්‍රීපාල සිරිසේන රටේ ජනාදිපති වූ බැවින් හා සිරිසේන පවුලේ ක්‍රියාකාරකම් හොදින් දන්නා නිසා ප්‍රියන්ත සිරිසේන නොහොත් රාජු ට මන්නා පහර දුන් මොහුගේ මිතුරා සිතා ඇත්තේද කොයි යම් මොහොතක හෝ රාජු විසින් තමාව මරා දමනු ඇත කියාය. අන්තිමේදී එම මානසික පීඩනය මෛත්‍රීපාල ගේ චන්ඩි මල්ලිට මරු කැදවිය. සිරිසේන පවුල නිසා පොළොන්නරුවේ ජිවත්වන උදව් ලැබූ පවුල් මෙන්ම, නන්නත්තාර වූ විනාශ වූ පවුල් ද ගණනාවක් පොලොන්නරුව හා අවට ප්‍රදේශ වල අදත් ජිවත් වේ.
මේ පලදී ඇත්තේ සාපයකි . මහ සිරිසේන රටේ ඉහලම පුටුවට ගිය විටම තමාට හා සිරිසේන පවුලට ඉහලට නගින්නට චන්ඩි කමින් හා මැර බලපරාක්‍රමයෙන් උදව් කල සොයුරා ස්වභාව ධර්මය විසින් රැගෙන ගියේ දරුණු සිග්නල් එකක් පත්තු කරමිනි. සුදු පිරුවටයට මුව වී අහිංසකයෙකු මෙන් සමාජය ඉදිරියේ රගපා රටේ ජනතාව රවටා කුමන්ත්‍රණකාරී සිද්ධි දාමයකින් රටේ ඉහලම පුටුවට නැගීමට සමත් වුවහත් විදින කලට දුක් දැඩි වේ ගිනි සේ යන්න සත්‍ය ලෙසම මෛත්‍රීපාල සිරිසේන හමුවේද විරාජමාන වනු ඇත .
නිරය ඔහු ඉදිරියේ දිවා රෑ දෙකේ දර්ෂණය වී දැන්වත් මෛත්‍රීපාල සිරිසේනගේ සිත සුමගට යොමුවී මේ රට වෙනුවෙන් සිංහල ජාතිය වෙනුවෙන් බෞද්ධාගම වෙනුවෙන් නැබුරු වේවා නැබුරු වී සැබෑ ජනතා නායකයාණන් සමග ඇත වැල් බැදගෙන මේ රට ගොඩනගත්වා කියා අපි දොහොත් මුදුන් දී ප්‍රාර්ථනා කරන්නෙමු.
~~ෂන්තික ප්‍රනාන්දු.~~
හිත රිදුනානම්,බොරුවක් කියලා හිතනවානම් දැන්ම ලියන්න.පිළිතුරු දිමේ අයිතිය තහවුරු කර තිබේ.- lankanewsweb.today@gmail.com
No comments
Post a Comment