හදිසියේ දේශප්‍රේමී බවට පත් වූ පඬි දෙනක තමන් පුනබ්භවය විශ්වාස කරන්නේ ඇයි දැයි බෞද්ධ සංදර්භයක ප්‍රශ්න කළ විට එයට පිළිතුරු දී ගත නොහැකිව ෙසෙලවල නැවත ඇතිවීම ගැන කියන පඬි විද්‍යාත්මක බෞද්ධයකු පවත්වා ගෙන යන එක්තරා කසිකබල් වෙබ් අඩවියක සඳහන් කර තිබුණේ ශ්රී ල නි ප ඝාතනය කෙරුණ ද ශ්රී ල නි ප රැකගන්න කියා සිංහල ජාතියට දිවි නසාගන්න ඉඩ දෙන්න බැහැ යනුවෙනි. ඇය නොදන්නා කරුණ නම් ශ්රී ල නි ප පිහිටුවීමට පෙර සිංහල ජාතිය තිබූ බව ද ඇය සිටියත් නැතත් ශ්රී ල නි ප ඝාතනය කිරීමෙන් පසුව ද සිංහල ජාතිය පවතින බවත් ය. එමෙන් ම මහින්ද රාජපක්ෂ මහතා වෙනත් පක්‍ෂයකින් මැතිවරණයට ඉදිරිපත් විය යුතු බව අප කියා ඇත්තේ අද ඊයේ නො වේ.
1989 භීෂණ සමය විය. ජයවර්ධන ප්‍රේමදාස විජේවීර භීෂණය ඉහළම තලයක පැවතිණි. එකල පැවතියේ යුද්ධයක් යැයි ඊනියා දේශපාලන විචාරකයෝ නො පවසති. එය හුදෙක් ත්‍රස්තවාදය මැඩලීමක් පමණක් ලෙස හැඳින්විණි. යුද්ධයක් නොපැවති බැවින් යුද්ධාපරාධ ද නො වී ය. එකල සොල්හයිම්ලා මෙහී නො වූහ. බටහිරයෝ ද ඉන්දියානුවෝ ද ජ වි පෙ ත්‍රස්තවාදය (සෝමවංශලා එදා ත්‍රස්තවාදය මෙහෙය වූ නායකයෝ වූහ. අනුර කුමාරලා ලාල්කාන්තලා හුදු ඇටිකිච්චෝ වූහ. එහෙත් එදා සිදු වූ ඝාතනවලට අද ශාන්තුවරයන් ලෙස පෙනී සිටින ජ වි පෙ නායකයෝ ද වගකිවයුත්තෝ වෙති) මැඩලීමට එ ජා ප ආණ්ඩුවලට සහාය දුන්හ. එබැවින් ද එකල යුද්ධාපරාධ තිබෙන්නට හැකියාවක් නැත. බටහිරයන් අතින් යුද්ධාපරාධ නො කෙරෙයි!
එහෙත් දෙමළ ත්‍රස්තවාදය මැඩීමට කෙරී ඇත්තේ යුද්ධයක් යැයි බටහිරයෝ ද ඊනියා දේශපාලන විචාරකයෝ ද කියති. අභාවප්‍රාප්ත මර්වින් සිල්වා ජනමාධ්‍යවේදියා ඊළාම් යුද්ධය 1, 2, 3 ආදී වශයෙන් ඒ නම් කෙළේ ය. අද යුද්ධාපරාධ ගැන බටහිරයන් ද රාජ්‍ය නොවන පඬියන් ද එ ජා ප නායකයන් ද කතා කරන්නේ ඒ බටහිර සංකල්ප මත පදනම් වෙමිනි. කොටින්ට විරුද්ධව කෙරුණු යුද්ධාපරාධ තිබිණි නම් ජ වි පෙරමුණට ද එරෙහිව කළ යුද්ධාපරාධ තිබිය යුතු ය. රනිල් වික්රමසිංහ ඒ ගැන නිහඬ ඇයි? බටලන්දේ දී මරා දැමුණේ අත් අඩංගුවේ පසු වූවන් බව අමතක නොකළ යුතු ය. අඩුම තරමින් එ ජා ප සමග දීගකන ජ වි පෙ නායකයන්ට ද බටලන්ද අමතක වී ඇත.
ශ්රී ල නි පක්ෂය ද දුර්වල වූ නමුත් ඒ නොමැරි පවත්වාගෙන යෑමට මහින්ද රාජපක්ෂ ඇතුළු කිහිප දෙනෙක් සමත් වූහ. ඔවුහු 1989 දී බණ්ඩාරනායක ඝාතනයෙන් අවුරුදු තිහකට පසු සමරු දේශනයක් සංවිධානය කළහ. එයට බණ්ඩාරනායක මැතිණිය එතරම් කැමැත්තක් නොදැක්වූයේ ජනතා සහභාගිත්වය අඩු මට්ටමක තිබේ යැයි එතුමිය විශ්වාස කළ බැවිනි. එපමණක් නොව දේශකයකු සොයා ගැනීම ද සංවිධායක මණ්ඩලයට අසීරු කරුණක් විය. අවසානයේ දී දේශනය පැවැත්වීම මට භාර කෙරිණි. ඒ දේශනයේ මාතෘකාව වූයේ පනස්හයේ දරුවෝ යන්න ය. සංවිධායක මණ්ඩලයේ අප්‍රතිහත කැපවීම හේතුවෙන් අති විශාල පිරිසක් දේශනයට සවන් දීමට බණ්ඩාරනායක අනුස්මරණ සම්මන්ත්‍රණ ශාලාවට එක් රොක් වූහ.
ඉන්පසු අනූවේ දශකයේ මුල එංගලන්තයේ පදිංචි වී සිටි චන්ද්රිකා කුමාරතුංග ලංකාවට ආනයනය කර ඇය ලවා පක්ෂ ප්රතිපත්ති වෙනස් කර ශ්රී ල නි ප ඝාතනය කරවීමට වික්ටර් අයිවන්, ප්රාජිත ආදී පිරිසක් උත්සාහ ගත්හ. එහෙත් ඒ ව්‍යර්ථ විය. එහෙත් අද එය වෙනත් ක්‍රමයකින් සාර්ථක වී ඇත. මෛත්‍රිපාල සිරිසේන චන්ද්‍රිකාට ද කළ නොහැකි වූ ඝාතනය සිදු කෙළේ ය. කළ යුතුව තිබුණේ ඉන් පසුවවත් මෛත්‍රිපාල සිරිසේන ශ්රී ල නි පක්ෂයෙන් ඉවත් කිරීම ය. එහෙත් ඒ නො කෙරිණි. ශ්රී ල නි ප නායකයෝ අපට සවන් නොදුන්හ. අදත් සවන් නො දෙති. ඒ අතර පඬියෝ හා පඬි දෙන්නු අපට උගන්වති.
නලින් ද සිල්වා
2015 ජූලි 09
මෙය ශ්රී ල නි ප පිළිබඳ ගුණ කථනයක් නො වේ. 1951 දී බණ්ඩාරනායක මහතා ශ්රී ල නි ප බිහි කෙළේ ලිබරල් පක්‍ෂයක් ලෙස ය. එය 1952 මින්නේරිය අතුරු මැතිවරණයට පෙර මෙරට ජාතිකත්වයේ පක්ෂය බවට පත්වීමේ දිශාවට ගමන් ඇරඹී ය. යම් යම් අඩපාඩුකම් තිබුණ ද අවුරුදු 63ක් පමණ ශ්රී ල නි ප මෙරට ජාතිකත්වයේ පක්ෂය ලෙස ක්රියා කෙළේ ය. ඒ පක්ෂය කුමක් දැයි හඳුනා ගැනීමට බොහෝ දෙනාට නොහැකි විය. මාක්ස්වදීන් ඒ පක්ෂය දුටුවේ ජාතික ධනේශ්වරයේ පක්ෂය ලෙස ය. ජාතික විඥානය යනු ව්‍යාජ විඥානයක් ලෙස සලකන මාක්ස්වාදයට ජාතිකත්වයේ පක්ෂ තිබිය නො හැකි ය. ඔවුන් ජාතික ධනේශ්වරය ලෙස හැඳින්වූයේ ද ශ්රී ලාංකික යන හුදු භූගෝලිය අර්ථයකිනි. ශ්රී ල නි පක්ෂය පිළිබඳ වෙනත් දෘෂ්ටි කෝණයකින් බැලීම ආරම්භ කළ මාක්ස්වාදී නායකයා වූයේ එවකට විප්ලවකාරී ලංකා සමසමාජ පක්ෂයේ නායකයා වූ පිලිප් ගුණවර්ධන මහතා ය. එතුමා එවකටත් මාක්ස්වාදයෙන් යම් ප්‍රමාණයකට කැඩී තිබීම මෙහි දී වැදගත් වෙයි. 1956 දී මහජන එක්සත් පෙරමුණ බිහිවූයේ ප්රධාන වශයෙන් ම ශ්රී ල නි පක්ෂයේ හා විප්ලවකාරි ලංකා සමසමාජ පක්ෂයේ සුසංයෝගයෙනි.
එහෙත් අවාසනාවකට ඒ පක්ෂ දෙකට වැඩි කලක් එකට ක්රියාත්මක වීමට නො හැකි විය. බණ්ඩාරනායක ඝාතනයට සුළු කලකට පෙර පිලිප් ගුණවර්ධන මහතාට ආණ්ඩුවෙන් ඉවත් වීමට සිදු විය. ඒ ආණ්ඩුවේ ඇතැමුනට ම එ පෙරමුණේ ජාතික ආර්ථික ප්රතිපත්ති දිරවා ගත නො හැකි වීම නිසා ය. බණ්ඩාරනායක ඝාතනය හුදු පෞද්ගලික ඝාතනයක් නො වී ය. බුද්ධරක්ඛිත විමලා විජේවර්ධන දුසංයෝගයට ආණ්ඩුවේ ආර්ථික ප්රතිපත්ති නො ගැලපිණි.
ශ්රී ල නි ප ජාතිකත්වයේ පක්ෂය වූයේ එහි නායකයන් නිසා ම නොව පක්ෂය වටා සිටි අනුගාම්කයන්, ආධාරකරුවන්, හිතවතුන් ආදීන් නිසා ය. ශ්රී ල නි ප ඝාතනය කිරීමට අනූවේ දශකයේ මුල උත්සාහයක් ගැණිනි. වික්ටර් අයිවන්, ප්රාජිත ආදීහු එංගලන්තයේ සිටි චන්ද්රිකා මෙරටට ගෙන්වා පක්ෂයේ ප්රතිපත්ති වෙනස් කිරීමට උත්සාහ ගත්හ. කුරුඳු පොලු මංගලලා පමණක් නොව චම්පකලා ද එකල එයට ආධාර කළහ. එහෙත් පක්ෂයේ හිතවත්තු එයට ඉඩ නොදුන්හ. අයිවන්ලාට අකුලා ගැනීමට සිදු විය.
2005 දී මහින්ද රාජපක්ෂ පක්ෂ නායකත්වයට පත් කර ගනු ලැබිණි. එහෙත් ඒ ජනාධිපතිවරණයෙන් මාස ගණනාවකට පසුව සිදු වූවක් විය. අද අප්සරාවක් ලෙස පෙනී සිටින චන්ද්රිකා එදා සභාපතිත්වය අත්හැර නො ගියා ය. ඇගේ ඊනියා ප්‍රජාතන්ත්‍රවාදය එබඳු විය. අද රනිල් මෛත්‍රිපාල දුසංයෝගය ස්තොත්‍ර ගයන්නේ් එවැනි චන්ද්රිකා කෙනකු වෙනුවෙනි. මහින්දගේ නායකත්වයෙන් දෙමළ ත්‍රස්තවාදය පරාජය කෙරිණි. රට ජාතික මාවතක ම නොවූවත් බටහිර යටත්විජිත විරෝධී මාවතක ගමන් කිරීම අරඹා තිබිණි.
බටහිරයෝ හා ඉන්දියානුවෝ එකතු වූහ. මෛත්‍රිපාල නම් ගැත්තකු ආධාර කරගෙන විජාතික බලවේගවල නියෝජිතයෝ උපක්‍රමශීලීව රනිල් පික්පොකට් අගමැති කර ජනවාරි 8 වැනි දා ශ්රී ල නි ප ඝාතනය කළහ. මළේ අප්පච්චි නොව පක්ෂය ය. අප 1998 පෙබරවාරි 4 වැනි දා වෙල්ලස්සේ දී වේල්ස් කුමාරයා වෙනුවට වෙල්ලස්සේ කුමාරයා සමරනවිට එයට විරුද්ධව තර්ජනයෙන් අප නැවැත්වීමට උත්සාහ කළ විජිතමුන්ට මරාදමනු ලැබුයේ පක්ෂය බව තේරුම් ගැනීමට නොහැකි විය. බුද්ධරක්ඛිත හා විමලා බණ්ඩාරනායක මහතා ඝාතනය සැලසුම් කළ ආකාරයට විමලාගේ බැණනුවකු වූ රනිල්, සෝභිත හා රතන හිමිවරුන් සමග එකතු වී ශ්රී ල නි ප ඝාතනය සැලසුම් කෙළේ ය. චම්පක, සුමන්තිරන්, හකීම් ආදීහු ඩිකීලා සිඩ්නිලා වූහ. මෛත්‍රිපාල ඉටු කෙළේ සෝමාරාමගේ කාර්ය භාරය ය. ඝාතනයෙන් මාස හයකට පසු අද දින අදාහන කටයුතු සිදු කෙරෙයි. චිතකයට ගිනි තැබීම චාරිත්‍රානුකුලව නොවුණත් චන්ද්රිකා හා පාක්‍යසෝති (සුනේත්රා නියෝජනය කරමින්) අතින් සිදුවෙයි.
නලින් ද සිල්වා
2015 ජූලි 08
මෛත්‍රිපාල බලයට පත් වූ විගස නීති විරෝධී ව රනිල් පික්පොකට් අගමැති ලෙස පත්කර පික්පොකට් කැබිනට්ටුවක් පත් කෙළේ ය. අගවිනිසුරු මොහාන් පීරිස් මහතා නීති විරෝධී ව ගෙදර යැවුවේ ය. අල්ලස් ලෙස ඇමතිකම් දෙමින් ආණ්ඩු පක්ෂයේ මෛත්‍රි කණ්ඩයමේ ශක්තිය වැඩි කර ගැනීමට ක්රියා කෙළේ ය. තම කණ්ඩායමේ මන්ත්‍රීවරුනට ගර්ජන මරදන කරමින් රනිල්ගේ සුළුතර ආණඩුව පවත්වාගෙන යෑමට ආධාර කෙළේ ය. රනිල්ගේ අවශ්‍යතාච මත කෝප් වාර්තාව පාර්ලිමේන්තුවට ඉදිරිපත් කිරීමට පෙර පාර්ලිමේන්තුව විසුරුවා හැරියේ ය. මෙහි දී ඩිව් ගුණසේකර ද වරදක් කර ඇති බව පැහැදිලි ය.
ඒ සියල්ලෙහි දී මෛත්‍රිපාල කටයුතු කර ඇත්තේ ශ්රී ල නි පක්‍ෂයට විරුද්ධ ව ය. ඔහුගේ අනුගාමිකයෝ ද ශ්රී ල නි පක්‍ෂයට විරුද්ධ ව වැඩ කළහ. ඔවුහු අද ඊනියා සමගියක මුවාවෙන් නැවතත් එ ජා පක්‍ෂයට බලය ලබා දීමට කටයුතු කරති. ඒ අතර ශ්රී ල නි ප දුර්වල කරති. අද ශ්රී ල නි පක්ෂය ඇත්තේ මහින්ද සමග ය. මෛත්‍රිපාල සමග වැඩ කර ඇමතිකම් බදා ගත්තෝ ද මැතිවරණවල දී ශ්රී ල නි පක්ෂයේ මෛත්රී කණ්ඩායමෙන් ඉදිරිපත් වී තනතුරු බලාපොරොත්තු වූ නිවටයෝ ද මහින්දට විරුද්ධ වූහ. මේ නිවටයන් නොදැන සිටිය ද රටේ සිංහල ජනතාවගෙන් අති විශාල බහුතරය ද සම්‍යක් දෘෂ්ටික දෙවිවරු ද මහින්ද සමග සිටියහ.
අප කිහිප වතාවක් ම පෙන්නා දී ඇති පරිදි දේශපාලන බල තුලනය ජනවාරි 8 වැනි දා සිට ඉතා ඉක්මණින් වෙනස්වීමට පටන් ගත්තේ ය. නුගේගොඩ රැස්වීමට පෙර ද ජන ගඟ මහින්ද දිශාවට ගමන් කිරීමට පටන් ගත්තේ ය. තවත් පනස්හයක පෙර නිමිති පහළ විය. නිවටයෝ මහජන අප්‍රසාදයට ලක් වූහ. මහින්ද කණ්ඩායමට තනිව ම තරග කර මැතිවරණයෙන් ජයග්රහණය කළ හැකි බව පෙනෙන්නට තිබිණි.
එහෙත් එසේ නොදුටු කිහිප දෙනෙක් ද වූහ. ඔවුහු රනිල් අගමැති ධුරයේ දිගටම සිටියහොත් තම ජීවිතවලට අනතුරක් වන බව සිතුවෝ ය. ඔවුහු නිවටයන් සමග එක්වී මෛත්‍රිපාල හා මහින්ද සමගි කිරීමේ ද්‍රෝහී ක්රියා මාර්ගයකට එළඹියහ. මහින්ද වෙන ම තරග කිරීම පක්ෂය කැඩීමක් ලෙස හැඳින්වූහ. එසේ හැඳින්වූවෝ පක්ෂය කඩාගෙන ගිය මෛත්‍රිපාලගේ නිවට ඇම්බැට්ටයෝ ම වූහ. මේ නිවටයන් දැන සිටි කරුණ නම් මෛත්‍රි කණ්ඩායම වෙන ම තරග කළහොත් ඔවුන්ට කිසි දිනෙක ජයග්රහණය කළ නොහැකි බව ය. නිවටයන් සැලසුම් කෙළේ මහින්ද සමග එකතු වී මහින්දගේ ඡන්දවලින් ජයග්රහණය කර පසුව මෛත්‍රිපාලගේ සුපුරුදු ද්‍රෝහි ප්‍රතිපත්තිය අනුගමනය කරමින් එ ජා ප සමග නැවතත් හවුල් ආණ්ඩුවක් පිහිටුවීම ය. මෛත්‍රිපාල ඇමතිකම් අල්ලස් දීමෙන් මහින්ද කණ්ඩායමේ මන්ත්‍රීවරුන් ද ඩැහැ ගැනීමේ බලාපොරොත්තුවෙන් සිටියේ ය.
සාමාන්‍ය ශ්රී ල නි පාක්ෂිකයන්ට අනුව පක්ෂය කැඩී ගොස් නො තිබිණි. ඔවුන්ට අවශ්‍ය වූයේ මහින්ද ජයග්රහණය කරවීම ය. නිවටයෝ ද රනිල් බලයට පත්වුවහොත් ජීවිත නැති වේ යැයි සිතුවෝ ද මහින්දගේ කරපිටින් බලයට පැමිණ මහින්දට අගමැති කම නැතිකිරීමට සැලසුම් කළහ. ඔවුහු මහින්ද හා මෛත්‍රිපාල කණ්ඩායම් එකතු කිරීමේ ජනතා විරෝධී ක්‍රියාදාමයක නිරත වූහ. දේශපාලන බල තුලනයේ වෙනස හේතුවෙන් මහින්දට සංධානයෙන් තරග කිරීමට ඉඩ දීමට නිවටයන් එකඟ වූයේ මහින්දගේ කරපිටින් බලයට පැමිණීමට ය.
ඔවුන්ගේ ද්‍රෝහි සැලැස්මේ පියවර කිහිපයක් වෙයි. පළමුවෙන් ම මහින්ද පිළ රවටා අවසාන දිනයේ දී ශ්‍රි ල නි පක්ෂය සංධානයෙන් ඉවත් වී සංධානය අහෝසි කර එහි අපේක්‍ෂකයන් අතරමං කිරීම ය. ඒ අතර නිවටයන් කිහිප දෙනකු එ ජා ප සංධානයකින් තරග කර නැවතත් රනිල් මෛත්‍රි දේශද්‍රෝහි ආණ්ඩුවක් පිහිටුවීම ය. දෙවනු ව සංධානයෙන් තරග කර හැකිතාක් මෛත්‍රිපාල හිතවාදීන් මන්ත්රීන් ලෙස පත්කරගෙන මහින්ද කණ්ඩායමෙන් ද කිහිප දෙනකු අල්ලස් දීමෙන් තමන්ට දිනාගෙන මහින්ද හා මහින්ද හිතවාදීන් නන්නත්තාර කර රනිල් මෛත්‍රි ආණ්ඩුවක් පිහිටුවීම ය. අද මේ සඳහා නාමයෝජනා පත්‍ර සකස් කිරීමේ දී මෛත්‍රි කණ්ඩායමට වාසි ලබා දෙන ලෙස නිවටයෝ ඉලලා සිටිති. මහජන බලවේගය ඇත්තේ මහින්ද සමග මිස පක්‍ෂයට ද්‍රෝහීවූ මෛත්‍රිපාල සමග නො වේ. අද මහින්ද වෙනුවෙන් පළමුවෙන් ම වේදිකාවට නැගි අයට, විශේෂයෙන් ම බස්නාහිර පළාතේ පළාත්සභා මන්ත්‍රීවරුන්ට, නාමයෝජනා නොලැබී මහින්දට ද්‍රෝහි වූවනට නාමයෝජනා ලැබෙන තත්ත්වයක් උදා වී ඇත.
මේ ඉතා අයහපත් තත්ත්වයකි. මෛත්‍රිපාල ජනාධිපති ධුරය මෙන් ම පක්ෂ සභාපති ධුරය ද යොදා ගනිමින් අද උත්සාහ ගන්නේ උපක්‍රමශීලිව මහින්ද නන්නත්තාර කර රනිල් මෛත්‍රි ආණ්ඩුවක් පිහිටුවීම ට. මේ උත්සාහය පරාජය කළ යුතු ය. ඒ කළ හැක්කේ මෛත්‍රිපාල අත්හැර මහින්ද කණ්ඩායම තනිව තරග කිරීමෙනි. එවිට නිවටයන්ට එ ජා පක්ෂයෙන් නාම යෝජනා ලබා ගෙන හෝ මෛත්‍රිපාල පිළ ලෙස තනිව තරග කර නන්නත්තාර වීමට අවස්ථාව සැලසෙනු ඇත. මහින්ද කණ්ඩායමට තනිව තරග කළත් අද ජයග්රහණය කළ හැකි ය. නිවැරදි සටන් පාඨ මත පදනම් වුවහොත් ඔවුන්ට තුනෙන් දෙකේ බලයක් සහිත ආණ්ඩුවක් වුව ද පිහිටුවීමට හැකි වනු ඇත.
නලින් ද සිල්වා
2015 ජූලි 07
ලංකා ඉතිහාසයේ මෙතෙක් නොවූ විරු මැතිවරණ සටනක් ආරම්භ වී ඇත. ඒ රටේ ස්වාධීනත්වය, ස්වෛරිභාවය හා ඒකීයත්වය වෙනුවෙන් වෙයි. මෛත්‍රිපාල සිරිසේන මහතාගේ පිළ යැයි කිවහැකි පිරිසක් දැන් නැතිවුවත්, රාජිත සේනාරත්න, එස් බී දිසානායක, එම් කේ ඩී එස් ගුණවර්ධන, දුමින්ද දිසානායක, නන්දිමිත්‍ර ඒකනායක ආදී මහත්වරු ද, හිරුණිකා ප්‍රේමචන්ද්‍ර මෙනෙවිය ද වැනි කිහිප දෙනකු හැරෙන්නට සෙසු ශී්‍ර ල නි ප මන්ත්රීන් සංවිධායකයන් වත්මන් සංධාන මන්ත්‍රින් හා සංවිධායකයන් හා එක් ව දැනට ලියා පදිංචි වී ඇති යම් පක්‍ෂයකින් මහින්ද රාජපක්ෂ මහතාගේ නායකත්වයෙන් තරග කිරීමට නියමිත ය. ඒ ශ්රී ල නි ප නොවන බව නම් පැහැදිලි ය. ඇතැම් විට ඒ එක්කෝ එක්සත් ජනතා නිදහස් සංධානය ම විය හැකි ය. නැත්නම් මහජන එක්සත් පෙරමුණ විය හැකි ය. එසේත් නැත්නම් වෙනත් දේශපාලන පක්‍ෂයක් විය හැකි ය. ඒ කුමක් වුවත් ඔවුහු මෛත්‍රිපාල සිරිසේන නම් පාවා දෙන්නාගෙන් නාම යෝජනා බලාපොරොත්තු නො වෙති. බොහෝ දෙනෙක් මෛත්‍රිපාල සිරිසේන මහතා සතපහකට විශ්වාස නො කරති.
ජාතික හෙළ උරුමයට යන එන මං නැත. මැතිවරණයේ දී මෛත්‍රිපාල සිරිසේන මහතාගේ ශ්රී ල නි පක්‍ෂයට ආසන පහක්වත් බලාපොරොත්තු විය නො හැකි ය. මෛත්‍රිපාල සිරිසේන මහතාට ලැබුණු ඡන්ද හැට දෙලක්‍ෂය ඔහගේ ඡන්ද නො වේ. ඒ එ ජා ප, දෙමළ ජාතික සංධානය, මුස්ලිම් කොංග්‍රසය, ජ වි පෙ ආදී පක්ෂ අතර බෙදී යයි. එහි මෛත්‍රිපාල සිරිසේන මහතාගේ ඡන්ද ලක්‍ෂයක්වත් නැත. මෛත්‍රිපාල සිරිසේන මහතාගේ කණ්ඩායම ශ්රී ල නි පක්ෂය ලෙස තනිව ම තරග කිරීම සිය දිවි නසා ගැනීමකි. එබැවින් ඔවුන්ට විවිධ මහින්ද විරෝධී, එනම් ජාතිකත්ව විරෝධී පක්ෂ සමග සංධානයකට ඇතුල් වීමට සිදු වෙයි. එවිට මනාප මගින් පාර්ලිමේන්තුවට ඒමට හැකි වුවත් වැඩි කල් නොගොස් එවැනි ආණ්ඩුවක් ගෙදර යැවීමේ හැකියාව ජනතාව සතුවෙයි.
කලක සිට ලංකාවේ මැතිවරණ පැවැත්වෙන්නේ විජාතිකත්වය ජාතිකත්වය අතර සටනක් ලෙස ය. අගෝස්තු මැතිවරණය ද එසේ ම ය. මහින්ද රාජපක්ෂ මහතා ජාතිකත්වය වෙනුවෙන් පෙනී සිටියි. රනිල් මෛත්‍රිපාල හවුල විජාතිකත්වයේ ගැති හවුලකි. තම ජීවීිත බේරා ගැනීම සඳහා මෛත්‍රිපාල මහින්ද එකතුවක් ගැන කතාකිරීම රනිල් මෛත්‍රිපාල හවුලට බලය අත්කර දීමකි. විජාතික කණ්ඩායම තම විජාතිකත්වය යටත්විජිත ගැති බව වසා ගැනීම සඳහා ඊනියා යහපාලනය, දූෂණය, භීෂණය ආදිය යොදා ගනිති.
එහෙත් ඒ ඇස් බැන්දුමක් පමණකි. මහා බැංකු කොල්ලයේ දී පික්පොකට් ආණ්ඩුවේ මහා අය කිහිප දෙනකුගේ ම පැටිකිරිය හෙළිදරවු විය. කෝප් වාර්තාව වහාම ප්‍රසිද්ධ කළ යුතු ය. පාර්ලිමේන්තුව විසුරුවා හැරීම වාර්තාව ප්‍රසිද්ධ කිරීමට බාධාවක් නො විය යුතු ය.
අනෙක් අතට හුදෙක් තර්කය සඳහා පසුගිය ආණ්ඩුවෙන් දූෂණ සිදු වී ඇතැයි සිතමු. ඒ දූෂණ නිසා රටට හා ජනතාවට රුපියල් ප්‍රකෝටි ගණනක හානියක් සිදු වී ඇතැයි ද සිතමු. රටේ ඒකීය භාවයට නියම කරන මිළ කුමක් ද? දෙමළ ත්‍රස්තවාදය පරාජය කිරීම කීයක් වටින්නේ ද? ඒ අමිළ ය. එලෙස කල්පනා කිරීමේ දී රාජපක්ෂ ආණ්ඩුවෙන් දූෂණයක් සිදු වී ඇතැයි උපකල්පනය කළ ද, ඒ ආණ්ඩුවෙන් රටට වී ඇති යහපත සලකා බැලීමේ දී දූෂණය නොගිණිය හැකි තරම් ය.
එහෙත් යටත්විජිත ගැති පිකාපොකට් කරුවන්ගෙන් රටට සිදු වී ඇති යහපත කුමක් ද? ඔවුහු කොටි පැරදවීමට විරුද්ධ වූහ. ඊනියා සාම සාකච්ඡා මගින් රට පාවා දුන්හ. ප්‍රභාකරන් සමග ගිවිසුම් අත්සන් කළහ. ඒ විවිධ දුෂණවලට අමතරව ය. පික්පොකට් කාරයෝ රහතන් වහන්සේලා නො වෙති. එලෙස කල්පනා කරද්දී රාජපක්ෂ ආණ්ඩුවෙන් දූෂණ සිදු වී ඇතැයි උපකල්පනය කළ ද පික්පොකට් කරුවන් සමග සංසන්දනය කිරීමේ දී ඒ ඊනියා දූෂණ නොසලකා හැරිය හැකි ය.
මහින්ද රාජපක්ෂ මහතාගේ සංධානය, එය කුමන පක්‍ෂයක් වුවත්, ජය ලබනු ඇත. එයට නිවැරදි සටන් පාඨ ඉදිරිපත් කළහොත් ආසන එකසිය විසිපහක් පමණ ලබාගත හැකි ය. පනස්හයක් ඉන් අවුරුදු හැටකට පසු නැවත නිර්මාණය කර ගත යුතු ය, කර ගත හැකි ය. ඒ අතර තිබෙන ව්‍යවස්ථාවට පිටින් ගොස් 1972 දී කළාක් මෙන් ව්‍යවස්ථාදායක සභාවක් මගින් ව්‍යවස්ථාව වෙනස් කිරීමට ජනවරමක් ලබා ගත යුතු ය.
ජාතිකත්වය තහවුරු කිරීම, රටේ ස්වෛරීභාවය රැකීම, ඒකිය භාවය පවත්වාගෙන යැම, ආර්ථිකය නගා සිටුවීම, රටට ගැලපෙන අධ්‍යාපනයක්, සංවර්ධනයක් හා නීති පද්ධතියක් ඇති කිරීම, කැබිනට්ටුවට උපදේශක භික්‍ෂූ මණ්ඩලයක් නිකායත්‍රයෙහි ම සහභාගිත්වයෙන් උන්වහන්සේලා විසින් පත්කරනු ලැබීම ආදී කරුණු රාශියක් ගැන ද තීරණ ගැනීම මැතිවරණයේ දී සිදුවිය යුතු ය.
එසේ ම ජනතාවට මෙම මැතිවරණයේ දී ඡන්දය දී ගෙදර ගොස් අපේ යුතුකම අප ඉටු කළා යැයි සතුටු විමට නො හැකි ය. කවුරු ජයග්රහණය කළත් රනිල් වික්රමසිංහ මහතා අගමැති යැයි වෙන්ඩ උපාධිධාරී සජිත් ප්‍රේමදාස මහතා කියන්නේ නිකමට විය නො හැකි ය. මෙය බටහිරයන් හා මෛත්‍රිපාල අතර ඇති ගිවිසුමෙන් ගලා එන්නකි. මේ බටහිරයන්ගේ ලංකා වසන්තය ය. එහි එකම තේරුම මහින්ද රාජපක්ෂ මහතාගේ පුනරාගමනය වැළැක්වීම ය. අප ඒ වසන්තය බටහිරයන්ට හේමන්තයක් බවට පත් කළ යුතු ය.
ඒ කළ හැකි එක් ක්රමයක් නම් මහින්ද රාජපක්ෂ මහතාගේ සංධානයට ඉතා වැඩි ආසන ගණනක් ලබා දීම ය. දෙමළ හා මුස්ලිම් පක්‍ෂවල සහාය නොමැතිව ආණ්ඩුවක් පිහිටුවීමටත් ව්‍යවස්ථාදායක සභාව මගින් නව ව්‍යවස්ථාවක් සම්පාදනය කිරීමටත් හැකි වන පරිදි ආසන සංඛ්‍යාවක් මහින්ද සංධානයට ලබා දීම දේශප්‍රේමීන්ගේ වගකීම වෙයි. ඒ සඳහා වහාම මැතිවරණ ව්‍යාපාරය දියත් කළ යුතු ය.
නලින් ද සිල්වා
2015 ජූලි 05
එක්සත් ජනතා නිදහස් සංධානයේ ප්රධාන පක්ෂය ශ්රී ල නි පක්ෂය වෙයි. ශ්රී ල නි පක්ෂය යම් අයුරකින් සංධානයෙන් ඉවත්වීමට තීරණය කළහොත් සංධානයේ පැවැත්ම පිළිබඳ නීති ප්‍රශ්න පැන නගියි. මැතිවරණ කොමසාරිස්වරයා හෙවත් මැකො එහි දී කිනම් තීරණයක් ගනීවි ද යන්න ප්‍රශ්නයකි.
අනෙක් අතට නාමයෝජනා දීමට ඇති අවසාන දිනය තෙක් බලා සිටීම ද යහපත් නො වේ. අවසන් දිනට දින තුනකටවත් පෙර නාම යෝජනා භාර දීමට කටයුතු කළ යුතු ය. සංධානයේ ලැයිස්තුව ගැන පමණක් බලා නොසිට වෙනත් ලැයිස්තු ද පිළියෙළ කර අවශ්‍යතාවක් වුවහොත් යොදා ගැනීමට සූදානමින් සිටිය යුතු ය.
විජාතික බලවේග කෙටි කලකට වුවත් තමන්ට ලැබුණු බලය සටනකින් තොරව අත් නොහරිනු ඇත. ජාතික බලවේග හා විජාතික බලවේග අතර සටන අද කිසි දිනෙකට වඩා උග්‍ර වී ඇත. දෙමළ ජාතිවාදය හා මුස්ලිම් ආගමිකවාදය බටහිර උසිගැන්වීම් මැද මෛත්‍රිපාලට මහින්ද ඉදිරිපත් කිරීමට තිබෙන සෑම ඉඩක් ම වැසීමට කටයුතු කරනු ඇත.
විජාතික බලවේගවලට විරුද්ධ ව ජාතික බලවේග සංවිධානය කළ යුතු ය. එහෙත් එපමණකින් සෑහීමකට පත් නොවිය යුතු ය. සිංහලයන් විජාතික බලවේගවලට පරාජය වී ඇත්තේ ශක්තිය අතින් නොව උපක්‍රම අතින් ය. ඇමරිකානුවන් රනිල් වික්රමසිංහ තම රටට ගෙන්වා මසක් පමණ කාලයක් පුහුණු කෙළේ උපක්‍රම පිළිබඳ ව දැයි අපි නො දනිමු. ඒ කුමක් වුවත් අද ද මෙරට බටහිර මෙන් ම ඉන්දීය ඔත්තු කරුවෝ උපදේශකයෝ සිටිති. ඔවුන්ගේ උපදෙස් ගැන කලින් සිතා ඒවාට මුහුණ දෙන්නේ කෙසේ ද යන්න දිනපතා සාකච්ඡාවට බඳුන් කළ යුතු ය.
මෙවර යම් අයුරකින් විජාතික බලවේග ජයග්රහණය කළහොත් ජාතික බලවේගවලට තව අවුරුදු විසිපහකට හිස එසවීමට කිසිම ඉඩක් නො දෙනු ඇත. අප කලින් ද කියා ඇති පරිදි බටහිරයන්ගේ ඊනියා ලංකා වසන්තය හේමන්තයක් බවට පෙරළිය යුතු ය.
නලින් ද සිල්වා
2015 ජූලි 04
ශ්රී ල නි පක්ෂයේ සාමාජිකයකු ලෙස එහි හිටපු සභාපතිවරයකු ලෙස මහින්ද රාජපක්ෂට එක්සත් ජනතා සංධානයෙන් මැතිවරණයේ දී තරග කිරීමට ඉල්ලීමට අයිතියක් වෙයි. ඔහු අපේක්‍ෂකයකු ලෙස තෝරාගන්නේ ද නැද්ද යන්න අදාළ මණ්ඩලවල කාර්යයකි. මෙහි දී සිදු වී ඇත්තේ මෛත්‍රිපාල ප්‍රජාතන්ත්‍ර විරෝධීව බටහිරයන්ට ඉන්දීයයන්ට හා මෙරට විජාතික බලවේගවලට යට වී මහින්දට තරග කිරීමට ඉඩ නොදීමට ගත් තීරණය ජනතා බලය හමුවේ අකුළා ගැනීම ය. එය විජාතික බලවේග පරදවා ජාතිකත්ව බලවේග ලැබූ ජයග්‍රහණයක් බව නිසැක ය. එහෙත් ඒ අයිතියක් තහවුරු කිරීමක් බව අමතක නොකළ යුතු ය.
මෛත්‍රිපාල මේ තීරණයේ කොපමණ කලක් සිටි දැයි අපි නො දනිමු. ඒ තීරණය වනු ඇත්තේ ජාතික හා විජාතික බලවේගවල බල තුලනය අනුව ය. ජනවාරි 8 වැනි දා විජාතික බලවේග සුලු ජයක් ලැබූ බව පැහැදිලි ය. ශ්රී ල නි ප මන්ත්‍රීවරුන් සමූහ වශයෙන් මෛත්‍රිපාල පසුපස ගියේ එබැවිනි. මහින්දට ඒ හේතුවෙන් ම ශ්රී ල නි පක්ෂයේ සභාපතිත්වය ද අත්හැරීමට සිදු විය. එහෙත් ඉන්පසු ජාතික බලවේග ක්‍රමයෙන් ශක්තිමත් විය. එහි ප්රතිඵලයක් ලෙස පාර්ලිමේන්තුවේ ද බල තුලනයේ වෙනසක් සිදු විය. මෛත්‍රිපාල කණ්ඩායම පරදවා මහින්ද කණ්ඩායම ඉදිරියට පැමිණියේ ය. අද මෛත්‍රිපාල මහින්දට සංධානයෙන් තරග කිරීමට ඉඩ දෙන්නේ පාර්ලිමේන්තුව තුළ හා පිටත සිදු වූ මේ වෙනස්කම් හේතුවෙනි.
එහෙත් ඒ තාවකාලික ය. යම් අයුරකින් විජාතික බලවේග, විශේෂයෙන් ම තානාපති හා ඔත්තු සේවා ඇතුළු විදේශීය විජාතික බලවේග, මෛත්‍රිපාලට කරන බලපෑම් දැඩි කළහොත් මෛත්‍රිපාල වෙනස් වීමට ඉඩ ඇත. මෛත්‍රිපාල උදේට කියන දේ බලපෑම් අනුව හවසට වෙනස් කර ගන්නා තැනැත්තෙකි. එබැවින් කළ යුතු ප්‍රධානම කාර්යය නම් ජාතික බලවේග තව තවත් ශක්තිමත් කිරීම ය. විජාතික බලවේගවලට හිස එසවීමට කිසිම ඉඩක් නොදිය යුතු ය.
එහෙත් අප අමතක නොකළ යුතු කරුණු කිහිපයක් ඇත. මහින්ද අගමැති අපේක්ෂකයා ලෙස හෝ කණ්ඩායමේ නායකයා ලෙස හෝ නම් කිරීමට මෛත්‍රිපාල සූදානම් නැත. ඔහුගේ තර්කය පසුගිය මැතිවරණවල දී ශ්රී ල නි ප අගමැති අපේක්‍ෂකයකු නම් කර නැති බව ය. එහෙත් ඒ මැතිවරණ වල දී පක්ෂ නායකයා හෝ සුදුස්සකු අගමැති අපේක්‍ෂක ලෙස හඳුනා ගැනීමක් විය. අද පක්ෂයේ නායකයා මෛත්‍රිපාල ය. ඔහු අගමැති අපේක්ෂකයා නොවන බව පැහැදිලි ය. එසේ නම් අගමැතිකමට සුදුස්සා කවු ද? මෛත්‍රිපාල විජාතික බලවේගවලට පොරොන්දු වී ඇත්තේ රනිල් අගමැති කරන බවට ය. ඔහු ඒ පොරොන්දුවෙන් මිදෙන්නේ කෙසේ ද?
මෛත්‍රිපාලට ජනාධිපති බලතල යොදා ගනිමින් ජනවාරි 9 වැනි දා කළාක් මෙන් පාර්ලිමේන්තුවේ වැඩි බලයක් නැතත් රනිල් අගමැති ලෙස පත්කිරීමට හැකි ය. සංධාන මන්ත්‍රීවරුන්ට ඇමතිකම් හා වෙනත් තනතුරු වරප්‍රසාද ලබා දෙමින් මෛත්‍රිපාලට ඔවුන් තම පිළට එකතු කර ගත හැකි ය. මෛත්‍රිපාලට ජනාධිපති බලතල යොදා ගනිමින් මහින්දට අගමැතිකම නොව ඇමතිකමක්වත් නොදී සිටිය හැකි ය. මහින්ද රෑ වැටුණු වළේ දවල් වැටෙන්නට යන්නේ ද?
මෛත්‍රිපාල කණ්ඩායම තනිව ම තරග කෙළේ නම් ඔවුන්ට මන්ත්‍රීවරුන් පස්දෙනකුවත් පත්කරගැනීමට නොහැකි වීමට තිබිණි. එහෙත් දැන් මෛත්‍රිපාලට මන්ත්‍රීවරුන් විශාල ප්‍රමාණයක් ලැබෙන අතර මහින්ද කණ්ඩායමෙන් තරග කර පාර්ලිමේන්තුවට යෑමට සිටි පිරිසකට ඒ අහිමිවනු ඇත. මෛත්‍රිපාල මහින්දට තරග කිරීමට ඉඩ දීමෙන් වැඩි වාසි ලබන්නේ මෛත්‍රිපාල ය.
මේ අතර බටහිරයන් වෙනත් දේ කල්පනා කරනු ඇත. ඔවුන් මහින්දට බලයට පත්වීමට ඉඩ දේ යැයි සිතිය නො හැකි ය. ඔවුන්ගේ ලංකා වසන්තය මින් ඉදිරියට කෙසේ ක්රියාත්මක වේ ද යන්න ගැන බොහෝ දෙනාට ප්‍රශ්නයක් නො වේ. සමහරුන් මේ නූල් සූත්තර අදින්නේ රනිල් දිගට ම අගමැති ලෙස ක්රියා කළහොත් තම ජීවිතවලට අනතුරක් වේ ය යන්න ගැන මිස රට ගැන බලා නො වේ.
මේ උගුල්වලින් බේරීමට ජාතික බලවේග වහා වැඩ පිළිවෙළක් සකස් කළ යුතු ය. ඒ වැඩ පිළිවෙළ ගැන අවබෝධයක් සැකැස්මක් නොමැතිව ජීවිත භයෙන් මෛත්‍රිපාල මහින්ද එකතු කිරීම රටට යහපතක් අත්කර නොදෙනු ඇත.
නලින් ද සිල්වා
2015 ජූලි 04
ලංකා ඉතිහාසයේ මෙතෙක් නොවූ විරු මැතිවරණ සටනක් ආරම්භ වී ඇත. ඒ රටේ ස්වාධීනත්වය, ස්වෛරිභාවය හා ඒකීයත්වය වෙනුවෙන් වෙයි. මෛත්‍රිගේ පිළ යැයි කිවහැකි පිරිසක් දැන් නැතිවුවත්, ප්රාජිත, එස් බී, එම් කේ ඩී එස් ගුණවර්ධන, දුමින්ද දිසානායක, නන්දිමිත්‍ර ඒකනායක, හිරුණිකා ප්‍රේමචන්ද්‍ර වැනි කිහිප දෙනකු හැරෙන්නට සෙසු ශ්‍රි ල නි ප මන්ත්රීන් සංවිධායකයන් වත්මන් සංධාන මන්ත්‍රින් හා සංවිධායකයන් හා එක් ව මහින්ද රාජපක්ෂගේ නායකත්වයෙන් දැනට ලියා පදිංචි වී ඇති යම් පක්‍ෂයකින් තරග කිරීමට නියමිත ය. ඒ ශ්රී ල නි ප නොවන බව නම් පැහැදිලි ය. ඇතැම් විට ඒ එක්කෝ එක්සත් ජනතා නිදහස් සංධානය ම විය හැකි ය. නැත්නම් මහජන එක්සත් පෙරමුණ විය හැකි ය. එසේත් නැත්නම් වෙනත් දේශපාලන පක්‍ෂයක් විය හැකි ය. ඒ කුමක් වුවත් ඔවුහු මෛත්‍රිපාල නම් පාවා දෙන්නාගෙන් නාම යෝජනා බලාපොරොත්තු නො වෙති. බොහෝ දෙනෙක් මෛත්‍රිපාල සතපහකට විශ්වාස නො කරති.
ජාතික හෙළ උරුමයට යන එන මං නැත. මැතිවරණයේ දී මෛත්‍රිපාලගේ ශ්රී ල නි පක්‍ෂයට ආසන පහක් බලාපොරොත්තු විය නො හැකි ය. මහින්දගේ සංධානය, එය කුමන පක්‍ෂයක් වුවත්, ජය ලබනු ඇත. එයට නිවැරදි සටන් පාඨ ඉදිරිපත් කළහොත් ආසන එකසිය විසිපහක් පමණ ලබාගත හැකි ය. පනස්හයක් ඉන් අවුරුදු හැටකට පසු නැවත නිර්මාණය කර ගත යුතු ය, කර ගත හැකි ය. ඒ අතර තිබෙන ව්‍යවස්ථාවට පිටින් ගොස් 1972 දී කළාක් මෙන් ව්‍යවස්ථාදායක සභාවක් මගින් ව්‍යවස්ථාව වෙනස් කිරීමට ජනවරමක් ලබා ගත යුතු ය.
ජාතිකත්වය තහවුරු කිරීම, රටේ ස්වෛරීභාවය රැකීම, ඒකිය භාවය පවත්වාගෙන යැම, ආර්ථිකය නගා සිටුවීම, රටට ගැලපෙන අධ්‍යාපනයක්, සංවර්ධනයක් හා නීති පද්ධතියක් ඇති කිරීම, උපදේශක භික්‍ෂූ මණ්ඩලයක් නිකායත්‍රයෙහි ම සහභාගිත්වයෙන් උන්වහන්සේලා විසින් පත්කරනු ලැබීම ආදී කරුණු රාශියක් ගැන ද තීරණ ගැනීම මැතිවරණයේ දී සිදුවිය යුතු ය.
එසේ ම ජනතාවට මෙම මැතිවරණයේ දී ඡන්දය දී ගෙදර ගොස් අපේ යුතුකම අප ඉටු කළා යැයි සතුටු විමට නො හැකි ය. කවුරු ජයග්රහණය කළත් රනිල් වික්රමසිංහ අගමැති යැයි සජිත් ප්‍රේමදාස කියන්නේ නිකමට විය නො හැකි ය. මෙය බටහිරයන් හා මෛත්‍රිපාල අතර ඇති ගිවිසුමෙන් ගලා එන්නකි. මේ බටහිරයන්ගේ ලංකා වසන්තය ය. එහි එකම තේරුම මහින්දගේ පුනරාගමනය වැළැක්වීම ය. අප ඒ වසන්තය බටහිරයන්ට හේමන්තයක් බවට පත් කළ යුතු ය.
ඒ කළ හැකි එක් ක්රමයක් නම් මහින්දගේ සංධානයට ඉතා වැඩි ආසන ගණනක් ලබා දීම ය. දෙමළ හා මුස්ලිම් පක්‍ෂවල සහාය නොමැතිව ආණ්ඩුවක් පිහිටුවීමටත් ව්‍යවස්ථාදායක සභාව මගින් නව ව්‍යවස්ථාවක් සම්පාදනය කිරීමටත් හැකි වන පරිදි ආසන සංඛ්‍යාවක් මහින්ද සංධානයට ලබා දීම දේශප්‍රේමීන්ගේ වගකීම වෙයි. ඒ සඳහා වහාම මැතිවරණ ව්‍යාපාරය දියත් කළ යුතු ය.
නලින් ද සිල්වා
2015 ජූලි 01
එ ජා පක්ෂයේ, ජ වි පෙරමුණේ, දෙමළ ජාතික සංධානයේ, මුස්ලිම් කොංග්‍රසයේ, රිෂාඩ් බදියුද්දීන්ගේ සමස්ත ලංකා මුස්ලිම් පක්ෂයේ ආදී වශයෙන් තවත් විවිධ මහින්ද විරෝධී දේශපාලකයෝ වූහ. ඔවුහු ඊනියා ජාතිකත්ව පක්ෂ සාමාජිකයෝ නො වූහ. ඔවුහු සිංහල විරෝධීහු වූහ. මොවුහු සහ ඊනියා ජාතිකත්ව මහින්ද විරෝධීහු එකතු වී පික්පොකට් ආණ්ඩුව පිහිටුවූහ. ඒ පිහිටුවා ගැනීමට සෝභිත හිමි හා පල්ලි නිකාය, කාදිනල්ලා, ඇතැම් මහානායක හිමිවරු ඇතුළු ඇතැම් ආගමික නායකයෝ ආධාර, ආශිර්වාද කළහ. යහපාලනය යනු අන්කිසිවක් නොව ජාතිකත්ව විරෝධයක් විය. එය ඊනියා යහපාලනයක් වීමෙන් මහින්ද විරෝධී ජාතිකත්ව කණ්ඩායමට ද එයට එකතු වීමට අවස්ථාව ලැබිණි.
එහෙත් ඔවුන්ගේ ජාතිකත්වයක් නැති බව වැඩිකල් නොගොස් ම හෙළිදරවු විණි. ජාතික හෙළ උරුමය උතුරේ කඳවුරු ඉවත් කිරීමේ දී දෙමළෙන් ජාතික ගීය ගයද්දී, දෙමළ ත්‍රස්තවාදීන්ට සමාව දීමේ දී ආදී බොහෝ අවස්ථාවල නිහඬ ව සිටියහ. ප්රාජිතලා ද එසේ ම වූහ. විහිදුම් දුර බලකායේ රණවිරුවකුට මරණ දඬුවම නියම කරද්දී ඔවුහු කට පියාගෙන ඇමතිකම් දැරූහ. ඒ රණවිරුවාට ජනාධිපති සමාවක් දීමට කටයුතු නොකරන්නේ ඇයි?
ඒ රණවිරුවා බේරා ගැනීමට කටයුතු නොකරන පික්පොකට් ආණ්ඩුව රාජපක්ෂලා හා වෙනත් රණවිරුවන් ඊනියා යුද්ධාපරාධවලට වරදකරුවන් නොකර සිටි ද? රාජපක්ෂලා යුද්ධාධිකරණයකට නොයවන බවට බොරු පූරසාරම් දොඩන සුජීව සේනසිංහට මරණයට නියම වූ රණවිරුවා බේරා ගැනීමට කටයුතු කිරීමට නොහැකි ඇයි? සිංහල විරෝධී රනිල් අනුගාමික සුජීව සේනානායක පසෙකින් තබන්න. ජාතික හෙළ උරුමය මෙහි දී කියන්නේ රණවිරුවා වරදකරු බව ද?
ඒ කුමක් වුවත් මෙතෙක් කල් ජාතිකත්ව පිරිස් රවටමින් සිටි බොහෝ දෙනකුට හෙටින් පසු වැදගත් තීරණයක් ගැනීමට සිදුවනු ඇත. ඊනියා යහපාලන ආණ්ඩුව පවත්වාගෙන යනු ලැබුයේ මෛත්‍රිපාල ප්රධාන මේ පිරිස් විසිනි. අද ඔවුන්ට යන එන මං නැත. ඇතැම්හු කෝ මා පැතූ යහපාලනේ ගීතය ගයමින් පශ්චාත්තාප වෙති. ජනවාරි 8 වැනි දා ඔවුහු විශාල පිරිසක් වූහ. එහෙත් අද වන විට ඔවුන් අතේ ඇඟිලි ගණනට සීමා වී ඇත. අද ඔවුන් අතර ඇත්තේ, අර්ජුන රණතුංග, ප්රාජිත, එස් බී වැනි මහින්ද සමග බද්ධ වෛරයකින් පෙළෙන්නන් පමණකි. චම්පක ඉව වැරදුණු බල්ලකු මෙන් ඒ අතටත් මේ අතටත් දෝලනය වෙයි. ඔහුූට ද මහින්ද සමග බද්ධ වෛරයක් විය. එහෙත් අද ඔහු මහින්දගේ හොඳ දැකීමට උත්සාහ කරයි. අප්පච්චි මළා යැයි කෑ ගැසූ හාදයා අප්පච්චි ක්‍රිස්තියානි ක්‍රමයට උත්ථානය වී ඇතැයි කියයි. මේ සියල්ලන්ගේ ම මහින්ද විරෝධයට හේතු වූයේ ඊනියා ප්‍රතිපත්තියක් නොව තමන් බලාපොරෙත්තු වූ ඇමතිකම් හා වරප්‍රසාද නො ලැබීම ය.
මේ එක් අයකුවත් මහින්ද සංධානයට ගත යුතු නො වේ. ඔවුන්ට දේශපාලනයේ නන්නත්තාර වීමට ඉඩ හැරිය යුතු ය. ඔවුන්ට ජනතා පදනමක් නැත. මෛත්‍රිපාලගේ ශ්රී ල නි ප සංධානයකින් තරග කර ඔවුන්ට ආසන දහයක් දිනා ගැනීමට නො හැකි ය. ඔවුන් ගැන කරදර නොවී රනිල් සුමන්තිරන් හකීම් හවුල පරදවා මහින්ද සංධානය ජයග්රහණය කරවීමට හෙට (ජූලි 01) සිට කටයුතු කළ යුතු ය.
නලින් ද සිල්වා
2015 ජූනි 30
එහෙත් ඒ කවදාවත් සිදු නොවන්නකි. අද ශ්රී ල නි ප මන්ත්‍රීවරුන් බහුතරය මහින්ද වටා රොක් වී සිටින්නේ ජනතාවගේ ඡන්ද තිබෙන්නේ එතැන බැවිනි. මැතිවරණය පවත්වන තුරු බලය ඇත්තේ මහින්දට ය. එහෙත් පාර්ලිමේන්තුව තෝරා ගැනීමෙන් පසු බලය ඇත්තේ මෛත්‍රිපාලට ය. ඔහු ජනාධිපති ය. අගමැති පත්කෙරෙන්නේ ඔහුට අවශ්‍ය අන්දමට ය.
මෛත්‍රිපාලගේ ප්රධාන ගිවිසුම රනිල් අගමැති කිරීමට ය. එය බටහිරයන් සමග ඇති ගිවිසුමකි. පාර්ලිමේන්තුව තෝරා පත්කර ගැනීමෙන් පසු ඔහුට පසුගිය වතාවේ මෙන් රනිල් අගමැති ලෙස පත් කළ හැකි ය. ගියවර මෙන් ම ශ්රී ල නි ප මන්ත්‍රීන්ට තර්ජන, ගර්ජන බලපෑම් ආදියෙන් රනිල්ට සහාය දෙන තැනකට ගෙන ගිය හැකි ය. මෛත්‍රිපාල වැඩිම වුවහොත් නිමල් අගමැති කරනු ඇත. ඔහු කිසි දිනෙක මහින්ද අගමැති ලෙස පත් නොකරනු ඇත.
ඔහු ඒ බවට පොරොන්දුවක් දුන්නත් ඒ ඉටු කරාවි යැයි විශ්වාස කළ හැකි නො වේ. මෛත්‍රිපාල උදේ කියන දෙයට විරුද්ධ දෙයක් දවල් කියයි. හවසට කියන්නේ වෙනත් ම දෙයකි. රෑට ඒ සියල්ල ප්‍රතික්‍ෂෙප කරයි. මෛත්‍රිපාලට නොරැවටිය යුතු ය. රෑ වැටුණු වළේ දවල් නොවැටිය යුතු ය.
අද මහින්ද කළ යුත්තේ මෛත්‍රිපාලට නොරැවටී වෙනම සංධානයකින් තරග කිරීම ය. අද බලය ඇත්තේ මහින්දට ය. ඒ බලය මැතිවරණයෙන් පසුව ද රැක ගත යුතු ය. නැතහොත් මහින්දට සිදුවන්නේ අවුරුදු පහක් පසුපෙළ මන්ත්‍රීවරයකු ලෙස කල්ගත කිරීම ය. එවිට වයස ගොස් ය.
නලින් ද සිල්වා
2015 ජූනි 30
අදාළ අනුකමිටු සාමාජිකයන් අද කළ යුත්තේ තමන් මන්ත්‍රීවරුන් නොවුණ ද වාර්තාව ප්‍රසිද්ධ කරන ලෙස හිටපු කතානායකවරයාගෙන් ඉල්ලා සිටීම ය. ඒ සම්බන්ධයෙන් යම්කිසි ක්‍රමවේදයක් සකස් කර ගැනිම පාර්ලිමේන්තු නිලධාරීන්ට හිටපු කතානායකවරයාට හා ජනාධිපතිවරයාට භාර ය. එවැනි සම්ප්‍රදායක් නොමැති නම් නව සම්ප්‍රදායක් බිහි කර ගත හැකි ය.
අර්ජුන් මහේන්ද්‍රන් හිටි අඩියේ ආපසු තම රටට, එනම් සිංගප්පූරුවට ගියේ ඇයි? ඔහු විසින් අත්සන් කරන ලද රුපියල් 5000 නෝට්ටු සම්බන්ධයෙන් ප්‍රශ්න පැන නැගී ඇත. ඔහු මහා බැංකුවේ ප්‍රධානියා ලෙස පත්වීමේ දී රජයට පක්‍ෂපාති වන බවට දිවුරුම් ප්‍රකාශයක් දී තිබිණි ද? ආණ්ඩුව ඔහු පත් කෙළේ එලෙස දිවුරුමක් ලබා නොදී තිබූ පරිසරයක ය. සිංගප්පුරු පුරවැසියකුට ද්විත්ව පුරවැසියකු ලෙස වෙනත් රටක ද පුරවැසියකු විය නො හැකි ය. එබැවින් අර්ජුන් මහේන්ද්‍රන්ට ලංකාවේ රජයට පක්‍ෂපාති වන බවට දිවුරුමක් ලබා දීමට හැකියාවක් නො වී ය.
මහේන්ද්‍රන් පිළිබඳ බැඳුම්කර චෝදනා ඉදිරිපත් වූ විට රනිල් වික්රමසිංහ කෙළේ ඒ පිළිබඳ විමර්ශනයක් කිරීමට නීතිඥයන් තිදෙනකුගෙන් යුත් කමිටුවක් පත් කිරීම ය. බලාපොරොත්තු වූ පරිදි ම කමිටුව විසින් අර්ජුන් මහේන්ද්‍රන් නිදහස් කෙරිණි. බැඳුම්කර සම්බන්ධ ටෙන්ඩර කමිටුවට තමා සහභාගි නොවූ බව මහේන්ද්‍රන් පැවසුවේ ය. එහෙත් ඔහු මහා බැංකු අධිපති ලෙස එහි සියළු මූල්‍ය කටයුතු සම්බන්ධයෙන් වග කිව යුතු විය. ටෙන්ඩර් කමිටුවට සහභාගි නොවීම නිදහසට කරුණක් නො වේ.
බැඳුම්කර පිළිබඳ ව රනිල්ගේ ද යම් සම්බන්ධයක් තිබූ බව කියැවෙයි. ඒ කෙසේ වෙතත් මැතිවරණයට පෙර අදාළ වාර්තාව ප්‍රසිද්ධ කළ යුතු වෙයි. අගොස්තු 17 වැනි දා ජනතාව තීරණයක් ගන්නා විට අදාළ සියළු තොරතුරු ඔවුන් සතුව තිබිය යුතු ය. අප කලින් කී පරිදි වාර්තාව තොරතුරු හා සම්බන්ධ ය. ඒ පණත් කෙටුම්පතක්, විශ්වාසභංග යෝජනාවක් වැන්නක් නො වේ.
පාර්ලිමේන්තුව විසුරුවා හැරීමත් සමග පණත් කෙටුම්පත්, විශ්වාසභංග යෝජනා ආදිය අහෝසි වෙයි. එහෙත් තොරතුරු අහෝසි නො වෙයි. තොරතුරු ජනතාව අතට පත්කිරීම වගකිව යුත්තන්ගේ කාර්යභාරය වෙයි. විශේෂයෙන් ම මැතිවරණයක දී වැදගත් වන තොරතුරු මැතිවරණයට පෙර ජනතාවට දැනගැනීමට සැලැස්විය යුතු වෙයි. ඒ නව සම්ප්‍රදායක් නම් ඒ එසේ ම වේවා! සෑම සම්ප්‍රදායකට ම ආරම්භයක් වෙයි.
නලින් ද සිල්වා
2015 ජූනි 29
අද එ ජා පක්‍ෂයටත් කරකියා ගත හැකි දෙයක් නැත. පසුගිය කාලයේ ඔවුන් බලයේ රැඳී සිටියේ පාර්ලිමේන්තුවේ මෛත්‍රිපාල කණ්ඩායම බලවත් වූ බැවිනි. එහෙත් මසක පමණ කාලයක සිට බල තුලනයේ වෙනසක් වෙමින් ඇත. අද මහින්ද කණ්ඩායම බලවත් ය. විශ්වාසභංග යෝජනා විවාදයට ගැනීමට අද එ ජා පක්‍ෂයට හැකියාවක් නැත. ඔවුන්ට අද පාර්ලිමේන්තුව විසුරුවා හැරීම හැර විකල්පයක් නැත. එහෙත් මෛත්‍රිපාල සිරිසේන මහතා ඉහත කී පුද්ගලයාගේ උපදෙස් මත ඒ වළක්වයි. ආප්ප කා තම මුල් පක්‍ෂයට ද්‍රෝහි වී එය ද කා දැමීමට උත්සාහ කළ මෛත්‍රිපාල සිරිසේන වැන්නකු බලයට පත්කර ගැනීම සම්බන්ධයෙන් අද එ ජා පක්ෂය ද කණගාටු වන බව නිසැක ය. හකීම් මහතාගේ මුවින් පිටවූයේ මේ දුක් ගැනවිල්ල ය.
විසිවැනි ව්‍යවස්ථා සංශෝධනය මුවාවෙන් පාර්ලිමේන්තුවේ කාලය දිර්ඝ කර ගැනීමට මෛත්‍රිපාල කණ්ඩායම මෙන් ම ජාතික හෙළ උරුමය ද කුඩා පක්ෂ ද පමණක් නොව එ ජා පක්ෂය ද උත්සාහ කළේ ය. එ ජා පක්ෂය කුමක් ප්‍රසිද්ධියේ කීව ද ඔවුන්ට ද අවශ්‍ය වූයේ පාර්ලිමේන්තුව දිගට පවත්වාගෙන යෑම ය. විස්ස සම්මත කර ගැනීමට බාධා පමුණුවන වගන්ති එ ජා පක්ෂයෙන් ද අනෙක් පක්‍ෂවලින් ද ඉදිරිපත් වූයේ එබැවිනි. මනාප ක්රමය ජනතාවට අවශ්‍ය නැති වුව ද බොහෝ දේශපාලනඥයන්ට අවශ්‍ය වෙයි. තම මැතිවරණ කොට්ඨාශයෙන් පරාජය වූ කි දෙනෙක් අද මනාප ක්රමය නිස්ා පාර්ලිමේන්තු මන්ත්‍රීවරු වෙත් ද? එහෙත් මහින්ද කණ්ඩායම බලවත් වීම ඉදිරියෙහි එ ජා පක්‍ෂයට පාර්ලිමේන්තුව විසුරුවා හැරීමට අවශ්‍ය වෙයි.
ජ වි පෙ, මුස්ලිම් කොංග්‍රසය, අසාද් සාලි, මනෝ හා ප්‍රභා ගනේෂන් තිස්ස විතාරණ, ඩිව් ගුණසේකර ආදීහු විස්සට විරුද්ධ වෙති. ඒ ඔවුන්ට එමගින් පාර්ලිමේන්තුවට පත්වීමට අවස්ථාවක් නොලැබෙන බැවිනි. අසාද් සාලි මහතා මේ සම්බන්ධයෙන් ප්‍රකාශයක් කරමින් කියා සිටියේ තමන් මෛත්‍රිපාල සිරිසේන මහතා බලයට පත් කළ නමුත් දැන් යෑමට සිදුව ඇත්තේ තමන්ට බව ය. මෛත්‍රිපාල සිරිසේන මහතා බලයට පත් කරනු ලැබුයේ ඔත්තු සේවා සුලු ජාතික පක්ෂ, ජාතික හෙළ උරුමය හා ජ වි පෙරමුණ විසිනි. ඒ බව අපි දනිමු.
මේ පක්ෂ අද ඉදිරිපත් කරන අදහස නම් සුලු පක්‍ෂවල මතවාද ද පාර්ලිමේන්තුවේ නියෝජනය විය යුතු බව ය. බැලූ බැල්මට එහි ඇත්තක් වෙයි. ප්‍රජාතන්ත්‍රවාදය අනුව එය එලෙස විය යුතු යැයි ද ඇතැමුන් කියනු ඇත. එහෙත් අප මේ කතා කරන්නේ මතවාද පාර්ලිමේන්තුවේ නියෝජනය වීම ගැන ය. දැන් ප්‍රශ්නයක් වෙයි. දේශපාලන පක්ෂ නොවන කණ්ඩායම්වල මතවාද පාර්ලිමේන්තුවේ නියෝජනය විය යුතු ද? එසේ නම් ඒ සිදු වන්නේ කෙසේ ද යන්න ය.
ඕනෑම මතවාදයක් අවසාන වශයෙන් ගත්කල දේශපාලනික වෙයි. බුදුන් වහන්සේ දෙසූ බුදුදහම මතවාදයක් හෝ දැනුම් පද්ධතියක් හෝ නොවන බැවින් ඒ ගණයට අයත් නො වේ. එහෙත් සිංහල බුද්ධාගම දේවානම්පිය තිස්ස රජු දවස දේශපාලනික මතවාදයක් වීම ඈරඹිණි. එසේ නොවන්නට බුදුදහම ඉන්දියාවෙන් මෙන් ම මෙරටින් ද ඒ හේතුවෙන් ලෝකයෙන් ද අතුරුදහන් වීමට තිබිණි. අද එය මෙරට දේශපාලනයෙහි ක්රියාත්මක බලවේගයකි. විවිධ ආගම් ද මතවාද වන බැවින් ඒ දේශපාලනික වෙයි. කතෝලික, ක්‍රිස්තියානි හා මුස්ලිම් පල්ලි දේශපාලන සංස්ථා ය. කාදිනල්තුමා පාසල් රජයට ගැනීම ගැන කතා කරන්නේ දේශපාලන අර්ථයකිනි. සීසර්ගේ දේ සීසර්ටත් දෙවියන් වහන්සේගේ දේ දෙවියන් වහන්සේටත් අයත් වන්නේ යැයි කීම පට්ටපල් බොරුවකි. මේ ඊනියා වෙන් කිරීම ම බටහිර දැනුමේ තවත් පට්ටපල් බොරුවක් පමණකි. මෙරට මුස්ලිම් පක්ෂ විසින් නියෝජනය කෙරෙන්නෙ මුස්ලිම් මතවාදය ය, ඉස්ලාම් ආගමික දේශපාලනය ය. රටේ අධ්‍යාපනය හා ජනමාධ්‍ය විසින් නියෝජනය කෙරෙන්නේ යුදෙවු ක්‍රිස්තියානි මතවාදය හා අදාළ දේශපාලනය ය.
ඊනියා සුලු පක්ෂවලට තම මතවාද පාර්ලිමේන්තුවේ නියෝජනය කිරීමට අමුතු අවස්ථා ලබා දිය යුතු නො වේ. එසේ නම් දේශපාලන පක්ෂ විසින් නියෝජනය නොකෙරෙන මතවාදවලට ද පාර්ලිමේන්තුවේ නියෝජනත්වයක් ලබා දීමට ක්රමයක් සකස් කළ යුතු ය. සුලු පක්ෂ කළ යුත්තේ එක්කෝ තමන් මහා පක්ෂ බවට පත්වීම ය. ඒ කළ හැක්කේ රටේ බහුතරය දරණ මතය අවශෝෂණය කර ගැනීමෙනි. නැත්නම් තම මතය බහුතර ජනතාවගේ මතය බවට පත් කිරීම ය.
දහනවය හා විස්ස අතර ඇති ප්රධාන වෙනස දහනවයෙන් විධායක ජනාධිපති බලතල කපා දැමීමට උත්සාහ කිරීමත් විස්සෙන් මනාප ක්රමය නැති කිරීමට කටයුතු කිරීමත් ය. විධායක ජනාධිපති බලතල කපා දැමීම සිංහල ජනතාවගේ ඉල්ලීමක් නො වී ය. දෙමළ ත්‍රස්තවාදය පරාජය කිරීමට හැකි වූයේ විධායක බලතල සහිත ජනාධිපති කෙනකු සිටි බැවිනි. දෙමළ ත්‍රස්තවාදය පරාජය කෙරිණි ද තවමත් දෙමළ ජාතිවාදය පවතියි. එය පසුගිය කාලයේ ජනවාරි 8 වැනි දා තෙක් පැවතුණේ බටහිර රටවල හා ඉන්දියාවේ ය. එහෙත් ජනවාරි 8 වැනි දාට පසුව දෙමළ ජාතිවාදය නැවතත් ලංකාවේ ද ක්රියාත්මක වෙයි
දෙමළ බෙදුම්වාදය ගලා එන්නේ ද දෙමළ ජාතිවාදයෙනි. දෙමළ ජාතිවාදය බටහිර රටවල හා ඉන්දියාවේ ක්‍රියත්මක වන්නේ ඒ රටවල අනුග්‍රහයෙනි. එහි දී බටහිර රටවල සිටින විසුරුණු දෙමළ ජාතිවාදීහු ද ආධාරයට ගැනෙති. බටහිර රටවලට අවශ්‍ය නම් තම රටවල ඇති විසුරුණු දෙමළ ජාතිවාදීන්ගේ සංවිධාන නැති කළ හැකි ය. එහෙත් ඔවුහු එසේ නො කරති. බටහිර රටවල් මෙන් ම ඉන්දියාව ද සිංහල බෞද්ධ සංස්කෘතිය නැති කිරීමට නොහැකි නම් දුර්වල කිරීමට දෙමළ ජාතිවාදය යොදා ගනියි. එයට විරුද්ධ ව ක්රියා කළ හැක්කේ ශක්තිමත් විධායක ජනාධිපති කෙනකුට මිස ඊනියා සාමූහික වගකීමක් ඇතැයි කියන කැබිනට්ටුවකට හා පාර්ලිමේන්තුවකට නො වේ.
ලංකාවේ කැබිනට්ටුවේ සාමූහික වගකීම ඇත්තේ නමට පමණකි. මෙහි ඇමතිවරු තම තමන්ට අවශ්‍ය ආකාරයට ප්රකාශ නිකුත් කරමින් මාධ්‍ය සංදර්ශන පවත්වති. එවැනි කැබිනට්ටුවක් සමග බටහිර බලවේගවලට එරෙහිව ගොස් දෙමළ ජාතිවාදය පරාජය කිරීමට නො හැකි ය. එබැවින් දෙමළ ජාතිවාදය පරාජය කරනතුරු ලංකාවට විධායක ජනාධිපති ක්රමය අවශ්‍ය වෙයි. මේ දේශපාලනය වැසූ බටහිරයෝ ඊනියා සාධාරණ සමාජ, පිවීිතුරු හෙට වැනි සංවිධාන මගින් ව්‍යාජ යහපාලනයක් හා ව්‍යාජ ප්‍රජාතන්ත්‍රවාදයක් ඇති කිරීමට බොරු චෝදනා ගෙතූහ.
මෛත්‍රිපාල සිරිසේන මහතා සිය කැමැත්තෙන් විධායක බලතල අත්හැරීමට එකඟ වූවා නො වේ. එය ගනුදෙනුවේ (මෙගා ඩීලයේ) කොටසක් පමණකි. ඔහු තරම් විධායක බලතල නීති විරෝධී ව යොදා ගත් වෙනත් ජනාධිපතිවරයෙක් නො සිටියේ ය. ඔහුට ජනවාරි 8 වැනි දා නව අගමැතිවරයකු පත්කර කැබිනට්ටුව වෙනස් කිරීමට නීතියෙන් ඉඩක් නො වී ය. එහෙත් ඔහු ඒ කෙළේ ය. නීති විරෝධීව අගවිනිසුරු ඉවත් කෙළේ ය. ඔහු බලලෝභියකු බව පැහැදිලි වන්නේ අගමැතිකම නොලැබුණු හෙයින් තම පක්ෂය හා පක්ෂ නායකයා පාවා දීමට ක්රියා කළ ආකාරයෙනි.
විධායක ජනාධිපති ක්රමය වෙනස් කිරීමට ජනතාවගේ ඉල්ලීමක් නො තිබුණ ද, මනාප ක්රමය වෙනස් කරන ලෙසට ඉල්ලීමක් විය. අපි දහනවයට කලින් විස්ස ගත යුතු යැයි කීවෙමු. එහෙත් සෝභිත හිමියන්ටවත් විධායක ජනාධිපති ක්රමය වෙනස් කිරීමට තිබූ වුවමනාව විස්ස වෙනුවෙන් නො වී ය. මනාප ක්රමය වෙනස් කිරීම දෙමළ හා මුස්ලිම් ජාතිවාදී පක්ෂවලට ප්‍රශ්නයක් වෙයි. එ ජා පක්ෂය ද මනාප ක්රමය වෙනස් කිරීමට විරුද්ධ ය. ඔවුන්ට කේවල ක්‍රමයට වඩා සමානුපාතික ක්රමය වාසි සහගත වෙයි. අනෙක් අතට එ ජා ප සිංහල විරෝධී ජාතිවාදී පක්ෂවලට ආධාර කරයි.
ඉතා කෙටියෙන් කියන්නේ නම් දහනවයට සිංහල විරෝධී දෙමළ හා මුස්ලිම් ජාතිවාදවලට පක්‍ෂපාති වූ අතර, විස්ස සිංහලයන්ට පක්‍ෂව දෙමළ හා මුස්ලිම් ජාතිවාදී පක්ෂවලට අවාසි තත්තාවයක් උදා කරයි. දහනවයෙන් විධායක බලතල රාශීයක් නොකැපී ඉතිරි වුනු බැවින් සිංහල විරෝධීන්ගේ අරමුණු ඔවුන් බලාපොරොත්තු වූ අයුරින් ම ඉටු නො විණි. එහෙත් ඔවුහු විස්ස සම්මත කර ගැනීමට ඉඩ නොදීමෙන් තම අවශ්‍යතා ඉටු කර ගනිති. සිංහල ජාතිකත්වයේ මිතුරන් ලෙස පෙනී සිටින බොහෝ දෙනකුගේ වෙස් මුහුණු දැන් ගිළිහී ඇත. සිංහල විරෝධී මෛත්‍රිපාල සිරිසේන මහතා හා රනිල් ව්‍රිමසිංහ මහතා හැකි ඉක්මණින් ඉවත් කළ යුතු ය.
අද අවශ්‍ය වන්නේ සිංහලයන්ගේ හා රටට හිතැති දෙමළ මුස්ලිම් ජයාගේ එකතුවකි. මීළඟ මැතිවරණය කවදා පැවැත්වුවත් සටන් පාඨය විය යුත්තේ බටහිර හා ඉන්දීය ගැත්තන් පරාජය කිරීමට මහින්දගේ නායකත්වයෙන් එකතු වෙමු යන්න ය.
නලින් ද සිල්වා
2015 ජූනි 28
බොහෝ දෙනා සිතා සිටියේ මෛත්‍රිපාල කණ්ඩායම තව තවත් බලවත් වේය කියා ය. එහෙත් සිදුවූයේ අනෙකකි. ජනතාව මහින්ද රාජපක්ෂ වටා එක් රොක් වූහ. නුගේගොඩ රැස්වීමෙන් පසු මහින්ද කණ්ඩායම බලවත් වීම ඇරඹිණි. අඩු තරමෙන් ඒ ප්‍රදර්ශනය වීමට පටන් ගත්තේ නුගේගොඩ රැස්වීමෙන් පසුව ය. අද වන විට මහින්ද කණ්ඩායම පාර්ලිමේන්තුවේ මෛත්‍රිපාල කණ්ඩායමට වඩා බලවත් ය.
පාර්ලිමේන්තුවෙන් පිටත එදත් මහින්ද බලවත් විය. මෛත්‍රිපාලට ඡන්ද ලක්ෂ හතරක් පමණ මහින්දට වැඩියෙන් ලැබුණු බව සැබෑ ය. එහෙත් ඒ ඡන්ද ලක්ෂ හතරට ජ වි පෙරමුණේ ඡන්ද ලක්ෂ තුනක් පමණ ජාතික හෙළ උරුමයේ ඡන්ද ලක්‍ෂයක් පමණ ඇතුළත් විය. එපමණක් නොව මුස්ලිම් ඡන්ද හා දෙමළ ඡන්ද ද ලැබුණේ මෛත්‍රිපාලට ය. පැහැදිලිව ම සාම්ප්‍රදායික ශ්රී ල නි ප ඡන්දවලින් වැඩි ප්‍රමාණයක් ලැබී තිබුණේ මහින්දට ය.
අද පාර්ලිමේන්තුවේ මෙන් ම පිටත ද ශී්‍ර ල නි පාක්‍ෂිකයන්ගේ කැමැත්ත ගතහොත් මහින්ද බලවත් ය. සන්ධානය ලෙස ගතහොත් ඒ තවත් මහින්දට පක්‍ෂපාති වෙයි. ජනවාරි 8 වැනි දා තිබූ තත්ත්වය අද වෙනස් වී ඇත. ඒ වෙනස් වී ඇති තත්ත්වයට අනුව අද මහින්ද රාජපක්ෂ ශ්රී ල නි පක්ෂයේ මෙන් ම සංධානයේ ද නායකත්වයට (සභාපතිත්වයට) පත්කර ගත යුතු ය.
මහින්ද කිසි දවසක ශ්රී ල නි ප හැරගියේ නැත. වෙනත් පක්‍ෂයකින් හෝ සංධානයකින් හෝ තරග කර නැත. අදත් ඔහු ශ්රී ල නි පක්ෂයේ සාමාජිකයෙකි. ඔහු ශ්රී ල නි ප සභාපති බවට පත්කර ගැනීමට බාධාවක් තිබිය යුතු නො වේ. එමෙන් ම ඔහු සංධානයේ ද නායකයා ලෙස පත්කර ගත හැකි ය. ඒ සඳහා ක්‍රමවේදය සකස් කිරීම ශ්රී ල නි පක්ෂයේ සෙසු නායකයන්ට භාර වෙයි.
මහින්ද ශ්රී ල නි පක්ෂයේ ද එක්සත් ජනතා නිදහස් සංධානයේ ද නායකයා වීම එළඹෙන මැතිවරණයේ දී ශ්රී ල නි පක්‍ෂයට මෙන් ම සංධානයට ද වාසියක් වනු ඇත. විවිධ හේතු නිසා ජනවාරි 8 වැනි දා මහින්ද ශ්‍රි ල නි ප සභාපතිත්ත්වය අත්හැර දැමී ය. අද ඒ හේතු වෙනස් වී ඇත. මහින්දට ශ්රී ල න ි ප අවශ්‍ය වනවාට වඩා අද ශ්රී ල නි පක්‍ෂයට මහින්ද අවශ්‍ය වෙයි. වහාම ශ්රී ල නි ප නායකත්වයට හා සංධාන නායකත්වයට මහින්ද රාජපක්ෂ පත්කර ගත යුතු ය.
නලින් ද සිල්වා
2015 ජූනි 27
ඉකිබිදින මවට සැනසුම් සුසුමක්
2005 රාජපක්ෂලා දකුනුකරේ බලයට පත්වනවිට ත්‍රස්තාවදියෙකුට උතුරුකරේ ඔ‍ටුනු පලදවා තිබුනි.ඉහටත් උඩින් විදේශ අතපෙවීම් ක්‍රියාත්මකව තිබුනි.ආර්ථිකය කඩා වැටී තිබුනි.සංචාරක කර්මාන්තය නට්ටංව තිබුනි. උතුරු නැගෙනහිර පය ගැසීම හුදු සිහිනනක්ව තිබුනි.තැන තැන පිපිරුනු බෝම්බ ජන ජීවිතය භීතියෙන් භීතියට පත්කොට තිබුනි.පාසැල් ගිය දරුවන් නිවස කරා පැමිනෙන තෙක් මව්පියන් පසුවූයේ දෙගිඩියාවෙනි.ජගත් ප්‍රජාව ලංකාවට අසාර්ථක රටක ලේබලය අලවා තිබුනි.රජයේ හමුදාවන්ට යුධ ආම්පන්න සැපයීමට ජත්‍යන්තරය මැලිවිය.දකුනේ රජය සහ උතුරේ ත්‍රස්තවාදී කන්ඩායම සම තන්හිලා සලකනු ලැබීය.ප්‍රභාකරන් ඇමෙරිකානු කදවුරේ සුරතෙලකු විය.රජයේ හමුදාවේ චිත්ත ධෛර්ය බින්දුවට බැස තිබුනි.30 වසරක යුද්ධයෙන් හෙම්බත් වූ ජනයා තුල එක්සේසත් රටක බලාපොරොත්තු මියදෙමින් තිබුනි.
විජයග්‍රහනය රැගෙන ආ චින්තනය.
රනිල්ගේ සටන් විරාම ගිවිසුම මගින් රජයේ භූමි ප්‍රදේශ සහ එල්ටීටීඊ භූමි ප්‍රදේශ වෙන් කොට තිබුනි. සාම බ්‍රෝකර් කටයුත්ත භාරවූයේ කොටි හිතවාදී නෝර්වේ ප්රමුඛ සුද්දන්ය. සටන් විරාමයට මුවාවී කොටියා ශක්තිමත් වනබව රහසක් නොවීය.ගෝඨාභය සියල්ලටම පෙර යුද්ධය කලහැකි අයෙකුට හමුදාව භාරදුන්නේය.අවි ආයුධ වලින් හමුදාව සංනද්ධ කෙරීය.ලොරි කන්ටේනර් පිටින් අවි අයුධ ඉදිරි ආරක්ෂක වලල්ලට බෑවේය.ගිනි බලය සහ මරනීය පරාසය විශාල මල්ටිබැරල් ගෙන ආවේය.රජයේ හමුදාවේ චිත්ත ධෛර්ය නැංවූයේය.රනිල්ගේ ඊනියා සාම ගිවිසුම කුනුගොඩට විසිකරමින් ඉදිරි ආරක්ෂක වලල්ලේ බංකර් තැනීය.කොටියාට කඩේ යන මාධ්‍ය කාරයන්ට, කප්පම් ගෙවන ව්‍යාපාරිකයන්ට,කොටි සමග නිදිවදින තානාපතිවරුන්ට රතු ඉර පෙන්වීය.කොටියාට කහින සුද්දන්ට පිලිතුරු බැන්දේ මැදමුලන භාෂාවෙනි. සාම බ්‍රෝකර්ලාට, යුධ විරෝදීන්ට සංග්‍රහ කලේ මැද මුලන තියරියෙනි.
දෙස් විදෙස් සතුරු බලමුලු පරදා පෙරට
රජයේ හමුදා කොටි බලමුලු සුන් කරමින් ඉදිරියට ඇදෙන විට ජයග්රහනය ආපිට හැරවීමට කුමන්ත්‍රන දියත් විය.තානාපති කාර්යාල ඇගිලි ගනිමින් සිටියේ මහින්ද වැටෙන තුරුය .වරෙක අනුර කුමාර ප්රමුඛ ජවිපෙ පර්ලීමේන්තු කන්ඩායම රජයෙන් ඉවත් විමට තීරනය කෙරීය.නමුත් විමල් ඇතුලු පර්ලීමේන්තු මත්රීන් 11 ජවිපෙ කඩා ගෙන ගොස් මහින්දට එක් වීමෙන් දුෂ්ට සැලසුම ව්යාර්ථ විය. තොප්පිගල වන්ෆොබේස් කදවුර අල්ලාගත් විට එජාපය කීවේ කැලය ඇල්ලිමෙන් පලක් නොමැති බවය. අලිමංකඩ ජයග්රහනය උපමා කලේ පාමංකඩ ඇල්ලිම ලෙසිනි.යුද්ධය දිනිය නොහැකි බවට මොර දුන්නේය.මංගල සහ ශ්‍රීපති මහින්දගේ රජය පෙරලීමට මුලු වෙර යෙදීය.තමිල්නාඩු මහ ඇමති කරුනා නිදි උපවාස කලේය. රොබට්ලා මිලිබෑන්ලා කුෂ්නර්ලා යුද්ධය නැවැත්වීමට නොකල දෙයක් නැත.කිසිවකින් ඉදිරියට තැබු පය පි‍ටුපසට නොගැනිනි.
ඇමෙරිකාවට බඩගිය නන්දිකඩාල් මෙහෙයුම.
ප්‍රභාකරන් ඇතුලු ත්‍රස්ත රැල මුල්ලිවයික්කාල් ප්‍රදේශයේ ප‍ටු බිම් තීරුවකට කො‍ටු කොට අවසාන සුද්දයට සැරසෙත්ම ඇමෙරිකාව රත් විය. ඇමෙරිකාවේ සැලසුම වූයේ ඉන්දියන් සාගරයේ සිය නාවික බලය යොදවා ප්‍රභාකරන් බේරා ගැනීමය.ඇමෙරිකාවේ මෙහෙයුම සම්බන්දව එක්සත් ජාතීන්ගේ සංවිධානයද දැනුවත්ව තිබුනි . සැලසුම සම්බන්දව එජා සංවිධානය ,ඇමෙරිකානු ආරක්ෂක අංශ හා ප්‍රභාකරන් අතර පනිවිඩ හුවමාරු විය. ඒ අනුව අවසන් කොටි රැල කල්ලි 3කට බෙදුනි. එක් කල්ලියක් සුදු කොඩි අතැතිව භාරවීමටද , පොට්‍ටුගේ කල්ලිය මැරෙන තුරු සටන් වැදිමටද, ප්‍රභාගේ කල්ලිය කලපුව හරහා පැන යාමට සැලසුම විය.මුලතිව් මුහුද අසලටම පැමිනි ඇමෙරිකානු යුධ නෞකාව ප්‍රබාකරන් ආරක්ෂාකාරීව රැගෙන යාමට සියලු කටයුතු යොදා තිබුනි. නමුත් ගෝඨාබයගේ හමුදාවේ කනෙන් රිංගීමට කිසිවකුට හැකි වූයේ නැත. දිනකට පසු අඹුඩයක් ගැස්සූ ප්‍රභාකරගේ සිරුර ඇමෙරිකාව ප්රමුඛ තානාපතින්ගේ ප්‍රදර්ශනය සදහා කොලඹ එවීය.
විජයග්‍රහනයේ අභිමානය
අඹුඩය ගැස්සූ ප්‍රභාකරගේ නිසල සිරුර දැක සාම ලැදි ජනතාව ප්‍රීති ප්‍රමෝදයට පත්වූහ.ජාති භේදයකින් පක්ෂ භේදයකින් තොරව ජනයා රිසිසේ සතුටු වූහ . සිංහ කොඩි ලෙලදෙවමින් ජයග්‍රහනයේ උත්කර්ශය සැමරූහ.උතුරා යන දේශප්‍රේමයෙන් සිත් සතන් මුසපත් විය.ඇතමුන්ගේ සතුට නිම් හිම් නොවිනි .තැන තැන පිසුනු කැවුම් කිරිබතින් එකිනෙකාට සංග්‍රහ කලේය.ගම් දනව් , පුරවර සිසාරා රාජකාරි කල රජයේ හමුදා සාමාජිකයන් සිප වැලද ගනිමින් ජනයා ඔවුන්ට කෘතුගුන දැක්වීය. මුලු රටම මගුල් සිරි ගෙන තිබුනි අවුරුදු 30 ක් පුරා ජනයා භීතියට පත්කල ගිනි බට නිහඩ විය.විජයග්‍රහනයේ සුභ පුවතත් රැගෙන රාජ්‍ය නායකයා ජොර්දානයේ සිට මව් බිමට සැපැමිනිනි .මහ පොලව සිප ගනිමින් ලක් මවට වැද ආචාර කල ඒ හැගීම්බර මොහොත ජන සිත් දේශප්‍රේමයෙන් අවුලුවා ලීය .මෙකි නොකී මේ අසිරිය කියා සිටියේ වසර 600 කට පසුව ලක්බිම එක්සේසත් කල අභිමානවත් පුවතය.
රට බෙදීමේ මාර්ග සිතියම
ප්‍රභාකරන් මියදුනද ශ්රී ලංකාව බෙදාවෙන් කිරීමේ අධිරාජ්‍යවාදී මාර්ග සිතියම අකුලාගන්නේ නැත. ප්‍රභාකරන්ගේ මිනියේ උනුසුම යාමටත් ප්රථම රාජපක්ෂ හමුවීමට විශේෂ නියොජිතයෙකු එවන ඉන්දියාව 13ට එහා ගිය බල බෙදීමකට බලපෑම් කර සිටියි. 13 සංශෝධනය යනු ලංකාවට අවැසි දෙයක් නොව ඉන්දියාව විසින් ඊළමයට අඩිතාලම සැපයීම සඳහා අප මත බලෙන් පටවන ලද්දකි. අනතුරුව පැමිනින්නේ ලක් රජයට එරෙහි යුධ අපරාධ චෝදනා පෙලය.ඊට අත්වැල සපයමින් චැන්ල්4 ජඩ මාධ්‍ය බයිස්කෝප් තැනීය. ලංකාවට එරෙහිව යුද අපරාධ චෝදනා එජා මහා මන්ඩලයට ඉදිරිපත් කරනුයේ ඇමෙරිකාවය. මෙකී ජවනිකාවන් කොටි ඩයස්පෝරාවට නව පනක් ලැබිනි.ඇමෙරිකාවේ ඉලක්කය රාජපක්ෂලා ඉතිහාසයෙන් පිටමං කොට ඊලමට පාර කැපීමය.
ලෝක සිතියමේ මර්මස්ථානය
ලංකාව, ලෝක ගුවන් හා නාවුක මාර්ග සිතියමේ මර්මස්ථානයක් බව අමුතුවෙන් කිව යුතු නැත.ලෝක බලවතුන්ගේ ආර්ථික හා දේශපාලන න්‍යාය පත්රය අනුව මෙහි වටිනාකම දිනෙන් දිනම වැඩිව ඇත.වර්තමානයේ ඉන්දීය සාගර මෙහෙයුම් වලින් වැඩිම ආර්ථික වාසියක් ලබනුයේ චීනයය. චීනයේ බල ශක්ති සැපයුම රදා පවතිනුයේ මැදපෙරදිග සම්පත් මතය. සම්පත් ප්‍රවාහනයට නාවුක මාර්ග අතිශය වැදගත්ය . 'මුතුවැල් පොට' නම් වූ අරාබී චීන නාවුක මාර්ගය වැටී ඇත්තේ පාකිස්ථානයේ ග්වාදාර් වරාය, ලංකාවේ හම්බන්තොට ,බංගලිදේශයේ චිටගොං වරාය, බුරුමයේ සිට්වේ වරාය පසු කරමිනි.චීනයේ අනාගත සැලසුම් තව බෝහෝය.ඉන් ප්‍රධානතම වන්නේ නල මගින් සහ නැව් මගින් අප්‍රිකාවේ ඛනිජ සම්පත් චීනයට පැටවීමේ මෙහෙයුම් ක්‍රයාවලියයි. මෙකී ක්‍රියාවලියේ මධ්‍යම වැඩපොල ස්ථාපිත කිරීමට යෝජිත වූයේ හම්බන්තොටය.එහෙයින් හම්බන්තොට වරාය සහ මත්තල ගුවන් තො‍ටුපොල යනු සුදු අලියෙකු නොව දිගුකාලීන ආර්ථික ක්‍රමෝපායන් බව කිව යුතුද නොවේ.
ත්‍රස්තවාදයේ ගෝඩ් ෆාදර්
ඉන්දියානු කලාපයේ චීන ආර්ථික මෙහෙයුම ඇමෙරිකාවේ ඇහැට කටු අනින්නකි.ආර්ථික ශක්තියෙන් අද චීනය සිටිනුයේ ඇමෙරිකාවට ගව් ගනනක් ඉදිරියෙනි.ලෝකයේ නිපයුම් වලින් 60% ක් එනුයේ චීනයෙනි.අනාගත චීන ආර්ථික මෙහෙයුම් කේන්ද්‍ර ගතවනුයේ දකුනු ආසියානු කලාපය තුලය. ඇමෙරිකාවට අවශ්‍ය පරිදි චීන මෙහෙයුම් හැසිරවීමට නම් දකුනු ආසියානු කලාපයේ දේශපාලන නාස් ලනුව සියතට ගත යුතුය.ඉන්දියාව, ඊශ්‍රායෙලය , එසේම එල්ටීටීඊ සංවිධානය වැනි කුලී කාඩරයන් ඉටු කරනුයේ ඇමෙරිකාවේ මේ කොන්ත්‍රාත්තුවය.යුධ ගිනි අවුලුවා රාජ්‍යන් අරාජික කිරීම, ඩොලර්බෙදන ව්‍යපෘති, දේශප්‍රේමී රජයන් පෙරලා ඇමෙරිකානු ගැති පාලක පන්ති පිහිටුවීම වැනි විවිධ ක්‍රමවේද ඔස්සේ ඇමෙරිකාව සිය කූට උපාය මෙහෙයවයි.
යහපාලනයෙන් ඔතා දෙන සයිනයිඩ් සීනිබෝල
විදේශ බලපෑම් වලට නතු නොවී දේශීය චින්තනය සමග ඉදිරියට ගිය රාජපක්ෂ රජය ඇමෙරිකානු කදවුරට තර්ජනයක් විය.චීනය සමග ආර්ථික ඉදිරි පිම්මකට සැරසුනු රජය පෙරලීම ඔවුන්ගේ න්‍යාය පත්‍රයේ අංක එකට විය.දේශීය චින්තනය, ආර්ථික වර්ධනය , නවෝත්පාදනය සමග පෙරට ඇදෙන ඕනෑම පාලකයකුට එරෙහිව පොදුවේ දමා ගසන චෝදනාවක් වන්නේ දූෂණය හා විනිවිදභාවයයි . දූෂණයට තිත, අලුත් රටක් , නව ගමනක් වැනි යහපාලන කඩදාසියෙන් එතූ සයිනයිඩ් සීනී බෝල වලට ජනයා රැවටෙනුය .එදා ලිබියාවේ ගඩාපි පැන්නීමටත්,මෙදා රාජපක්ෂලා වැට්ටවීමටත් ජනයාට විසිකලේ මෙකී සීනි බෝලය. ජනයා රැව‍ටුනු තරම් තේරුම් යනවිට විනාශය මුවගටම පැමින තිබුනි.
ඇමෙරිකන් කාසියේ ඊශ්‍රායෙල් මුහුන.
ඊශ්‍රායෙලය ඉන්දියානු කලාපයේ ඉ‍ටුකරනුයේ චීනයට එරෙහි ඇමෙරිකානු කොන්ත්‍රාත්තුවය.ඊශ‍්‍රායලයට ඔවුන්ගේ න්‍යාය පත්රය කි‍්‍රයාවට නැගීමට කවුරුන් සමග ගනුදෙනු කරන්නේ ද යන්න වැදගත් නැත. චීන හිතවාදී රාජපක්ෂ රජය පෙරලීම පි‍ටුපස ක්රියාත්මක වූයේ ඉන්දීය සහ ඊශ්‍රායෙල් චරපුරුශ ජාලයයි. බොදුබල සේනා හරහා රාජපක්ෂලා කෙරේ වූ අතිවිශාල මුස්ලිම් ජන පදනම බිදවීය. බොදු බල සේනාවට මුදල් පොම්ප කලේ ඊශ්‍රායෙලයයි.ඥනසාර යනු හුදු කුලී හේවායෙකි.ඒ අයුරින්ම ඥානසාරගේ ලොකු අයියා වූ මියන්මාරයේ අශ්වින් විරතුද බොදු සසුනේ රැකවලෙකු හෝ ගැලවුම් කරුවකු නොව ඊශ්‍රායෙල් වැඩසටහනේ කුලී කරුවෙකු පමනි.
මොසාඩ් බලල් අත්
රාජපක්ෂ රජය තුල සිටිමින් මුස්ලිම් ප්‍රජාවට එරෙහි ප්‍රචන්ඩත්වයට අඩියලොජිය ප්ලාන්ට් කලේ චම්පිකය.ඉස්ලාම් මූලධර්ම ,කුරානයේ ඉගැන්වීම් වලට එරෙහිව පොත් ලියුවේ චම්පික රණවකය.තැන තැන සම්මන්ත්‍රන තිබ්බේ ඔහුය.චම්පික මුස්ලිම් ප්‍රජාවට එරෙහි පලමු පොත නිකුත් කලේ ඊලාම් යුද්ධය අවසාන වනවාත් සමගය. හිජාබ් භීතිය , හලාල් භීතිය, මුස්ලිම් ව්‍යාපාරික භීතිය,ඔවුන්ගේ ඉහල ජන වර්ධනය පිලිබද මුල් බීජ රෝපනය කලේ චම්පිකය.ඔහු මෙහෙයවූ ව්‍යාපෘතියේ දරුවා බිහිවන විට විට උපාසක ලීලාවෙන් ගෙවල් මාරු කලේය. අවසානයේ අවජාතක දරුවාගේ උප්පැන්නයට වග උත්තර බැදීමට සිදුවූයේ ගෝඨාභයටය.සියල්ල සිදුවූයේ චීන හිතවාදී රාජපක්ෂ රජය පෙරලීමට ගැසූ ඇමෙරිකානු සැලසුම අනුවය. චම්පිකලා, රාජිතලා, ඥානසාරලා, චන්ද්‍රිකාලා මොසාඩ් බලල් අත් පමනි.
චන්ද්‍රිකාගේ 'අරක්කුයි පරක්කුයි' තියරිය .
රාජපක්ශලගේ චීන මිත්‍රත්වය ඉන්දියාවට හිසරදයක් විය.අනෙක් පසින් ඔවුන් කිරි පොවා ඇති දැඩි කල ප්‍රභාකරන් මිය පරලොව යැවූ වේදනාවද විය. ඇමෙරිකානු කදවුරේ ඊලාම් ව්‍යාපෘතිය එක තැන ලොප් වී තිබුනි.සියල්ලන්ට අවැසිවූයේ රාජපක්ෂලාට කෙලීමටය.එකී අලුගෝසු කර්ත්‍යවය්‍යට යොදාගත්තේ ජාතියක් ජම්මයක් නැති චන්ද්‍රිකාය.මෙහෙයුමට අවශ්‍ය මුදල් ඉන්දියාව විසින් චන්ද්රිකා වෙත පොම්ප කලේය.කුමන්ත්‍රන ජාලය සම්බන්ධීකරනයට සැටලයිට් දුරකථන ලැබින.ඒ අනුව ජවිපෙ,එජාපය,හෙල උරුමය සහ සිරිසේන චන්ද්රිකා සමග එකට හිටගත්‍තෝය. දේශපාලන ඔලු මාරුව මෙහෙයවූ රෝ ඒජන්තයා කොළඹින් පන්නා දමන විට සියල්ල සිදුවී හමාරය.ඉතිහාසයේ ප්රථම වතාවට 'අරක්කුයි' පරක්කුයි ' චන්ද්‍රිකාගේ තියරියක් වැඩ කලේය.නමුත් රට නැගීමට නොව පාවා දීමටය.
දිය රෙද්දෙන් බෙල්ල කපන ඉන්දියාව
අතීතයේ පටන් ලංකාවේ ගැ‍ටුම් අවුලුවා ලීමට උල්පන්දම් දුන්නේ ඉන්දියාවය.අනතුරුව බිහිවන දුර්වල රජ්‍යත්වයක බලය පැහැර ගැනීම ඔවුන්ගේ තියරිය විය.ඉන්දියානු ආක්‍රමන වලට බියෙන් හෙලයේ මහා වාරි අගනගර වූ අනුරපුර, පොලොන්නරුව , දඹදෙනිය හැරයමින් දකුනට මාරු විය. අවසානයේ නතරවූයේ සෙංකඩගල කන්ද උඩය . මහනුවරට පැමිනියද ඉන්දියානුවාගෙන් ගැලවීමක් නැත.එහිදී රජතුමාගේ අන්තංපුරයට බඩු සපයන ඒජන්තයා වන්නේ ඉන්දියාවය. රාජකීය බඩු සෙල්ලම කෙලවර වන්නේ1739 දී ඉන්දීය කේරලයන් මහනුවර රජවීමෙනි.එදා මෙදා තුර ඉන්දිය ගනුදෙනු සියල්ලෙන් වූයේ අපට කෙලවීමය. කොටින් කියතොත් ඉන්දියාව යනු ලගින් ගියත් ඇහැක් ගලවන ජාතියකි.අරක්කුයි පරක්කුයි චන්ද්රිකා මෙවර හාන්සිවූයේ එහෙව් ඉන්දීයන් සමගය.
ඉන්දියානු ඇදුම් ඇදි විකට සිරිසේන
ඉන්දියන් කාරයාගේ වචන වලට සිරිසේන කොතෙක් දුරට නැමුනේදයත් ඔහු සිය වස්ත්‍රයද ඉන්දියන් ඌරුවට මාරු කලේය. සිරිසේන පු‍ටුවට පැමිනි විගස 13වන සංශෝධනය හෙවත් ඊළමේ සැකිල්ල රැගෙන මෝඩි ලංකාවට පැමිණියේය .හමුදා කදවුරු එකිනෙක ගැලවීය, උතුරේ සිටි දේශප්‍රේමී ආන්ඩුකාරයා එලවීය. ත්‍රිකුණාමලය තෙල් ටැංකි සංකීර්ණය සින්නක්කර අයිතියට ලියාදීමට පොරොන්දු විය.සීපා අත්සන් කිරීමට පොරොන්දු විය.ඉන්දියානු වාහන මත පැටවූ බදු ඉවත් කෙරීය.දකුනු ඉන්දියාවේ සරනාගත කදවුරු වල වෙසෙන ලක්ෂ 6 පිරිසක් නැවත කැදවීමට එකගවිය.චීන ආයෝජකයන් අධෛර්යමත් කෙරීය.ඉන්දියාව සහ ඇමෙරිකාව ගෙතුලට ගෙන චීනය පිට මං කෙරීය.
ගොබෙල්ස් න්‍යාය
'ගොබෙල්ස් න්‍යාය' යනු ගල් පැලෙන බොරු ඇසූ දුටු සත්‍ය ලෙසින් ජනයා හමුවේ තැබීමයි.මෙහිදී පොඩි පොඩි බොරු වලට වඩා දැවැන්ත බොරු ජනයා වෙත ගෙනයාම පහසු බව පිලිගැනෙයි. පට්ටපල් බොරු ඇත්ත බවට ස්ථාපිත කිරීම සිදුවන්නේ 'බොරුව' නැවත නැවතත් විවිධ මාර්ග හරහා පැතිරවීම තුලිනි.ඒ අනුව කලාකාරයන් , ආගමික නායකයන්, උගත්තු යයි සමාජය පිලිගත් අයවලුන් හරහා 'බොරුවේ' ප්‍රචාරනය සිදුවෙයි.'බොරුව' නැවත නැවතත් කිය වෙනවිට මෙහි කුමක් හෝ ඇත්තක් ඇතැයි සිතීමට ජනයා පෙලඹෙයි.ඒ අනුව කඩපිලේදී , ලිද ලගදී , මග තොටදී ජනයා කථාවක් ගොඩනැගෙයි. එහිදී තමන් පොර වීමට මොවුන් ගෙන් සමහරෙක්ම "මහා බොරුව" ඇසින් දු‍ටුසේ සාක්ෂි දරයි.දුෂණ චෝදනා එල්ල කොට රාජපක්ෂලා කෙරේ ජනතාව බිදවීමට ඇප්ලයි කලේ මෙකී න්‍යායයි.මෙකී මෙහෙයුමේ මධ්‍ය කරුවන් කඩේ යැවීමට,සමාජ ජාලා හැසිරවීමට , මධ්‍ය ආයතන වලට,කලාකාරයන්ට , උගතුන්ට ගෙවීමට , අවශ්‍ය මුදල් තානපති කාර්යාල හරහා ලැබිනි.
සුපිරි බලවතුන් වික්ශිප්ත වූ සාගර මෙහෙයුම
අප්‍රිකානු මහාද්වීපයේ තරුනයන් අතර 'පයිරට්' නොහොත් මුහුදු මංකොල්ල යනු අනාදිමත් වෘත්තියකි. නවකයන් බදවා ගැනීම, පුහුනුව, ක්‍රියාන්විත, මුදල් පාලනය, ආයෝජන, කන්ඩායමෙන් වෙන්වීම වැනි සියල්ල අතිශය සංවිධානාත්මකය. මුහුදු මංකොල්ල කරුවන් ඉලක්ක කොතරම් තියුනුදයත්, ඉතාලිය බලා යන බෝට්‍ටුවේ සිට දැවන්ත නැව් දක්වා සුද්දය දෙයි. ඒසේම ඇමෙරිකානු නැවක් වුවද බංගාලි නැවක් වුදද පහරදී හයිජැක් කිරීමට ඔවුන් බිය නොවෙයි.ඊලාම් යුද්ධය අවසානයේ පැවැත්වූ 'ගෝල් ඩයලොග්' සමුලුව ඇමතූ ගෝඨාභය ඉන්දියානු සාගර කලාපයේ ආරක්ෂාව ශපත කලේ මෙවන් පසුබිමකය. අනතුරුව පාවෙන අවි ගබඩා 2ක් මුහුදේ පිහිටුවා නාවික ආරක්ෂක මෙහෙයුම් ඇරඹීය.මරාගෙන මැරෙන කොටි බෝට්‍ටු සමග ගැ‍ටුනු අපේ කෝල්ලන්ට සෝමාලි පයිරට්ලා හා ගේමක් නොවිනි.ලාංකික ධජය පෙර‍ටුව පරිවාර ආරක්ෂාව සපයන බෝට්‍ටු දකින විට සෝමාලියානුවන් මුහුදට පනින තරම් බිය විය.
ගෙන්දගම් පොලොවේ රියලිටිය
ප්‍රභාකරන් මිය ගියද දෙමළ බෙදුම්වාදය අවසන් වී නොමැති බව අපි දනිමු. එතෙර පිහිටුවා ඇති රුද්‍රකුමාරන්ගේ දෙමළ රාජ්‍යයේ අරමුණ ඇමෙරිකානු හාම්පුතාගේ සහයෝගය ඇතිව උතුරු නැගෙනහිර ඊලාම් රාජ්‍ය පිහි‍ටුවීමය.ඔහුගේ රජය අමාත්‍ය මන්ඩලයකින්ද යුතුය.අද සිරිසේනගේ විදේශ ඇමති ඩයස්පෝරා සමුලු පවත්වමින් රාජතාන්ත්‍රික පිලිගැනීමක් ලබාදෙන්නේ මොවුන්ටය.එදා සිංහලයන් අතර හලාල් භීතිය , හිජාබ් භීතිය වැනි හුදු බිල්ලන් පෙන්වූ චම්පිකලා ගෙන්දගම් පොලොවේ නියම තත්වය හමුවේ බොරු නින්දේ පසුවෙයි.වර්තමානයේ මෙරට අනවසරයෙන් රැකියා කරන බංගලියන් ගනන 5000 ඉක්මවන බව කියවෙයි.මොවුන් රැකියා කරනුයේ ලංකික මුස්ලිමුන්ගේ ව්‍යාපාර වලය.බංගලියන් ගිය තැනක පැල වන ජාතියකි. විලපත්තුවේ රක්ෂිත වනය ඩෝසර් කරමින් ගොඩනගන අනවසර මුස්ලිම් ජනපද පිලිබද චම්පිකලා නිහඩය.මෙවා හාලාල් හිජාබ් වැනි බිල්ලන් නොව ගෙන්දගම් පොලොවේ රියලිටිය.
යහපාලකයන්ගේ ගැහිලි
ලදරු කිරි පැකැට්‍ටුවේ සිට මිනී පෙට්ටිය වසන ඇනය දක්වා ගසන බදු මුදල් එක්තැන් වන්නේ මහා භාන්ඩාගාරයේය. යහපාලු ආන්ඩුව, රටේ සහ ජනතාවගේ සකල සංබුද්දයම තැන්පත් භාන්ඩාගාරය භාරදුන්නේ රටේ පුරවැසිභාවයවත් නොතිබූ දෙමලෙකුටය. භාන්ඩාගාර බිලපත් විකුනමින් සිදුකල පලමු ගනුදෙනුවෙන්ම ඔහු බිලියන 5ක ඉතිහාසගත ගැහිලක් ගැහුවේය. සමුපකාර කඩයක මුදලාලියෙකු වන් සිරිසේනගේ සහෝදරයා ටෙලිකොම් සභාපති ධූරයට පත් කෙරීය.ඔහු ගැහිලි පටන් ගත්තේ පත්වීමේ ලිපියේ තීන්ත වේලීමටත් ප්‍රතමය.ධූරයට පත් දෙවන දින හුවාවි සමාගමෙන් ඔහු නෙලූ කොමිස් කුට්ටිය කෝටි 10කි. පසුගිය රජයේ ධීවර ඇමතියා ලෙස නැව් 8කින් මාලු බා ධීවරයන්ට කැදත් නැතිකලේ රාජිතය.ඔහුගේ පුත්‍රයා මාස 6ක් තුල ගිය විදේශ සංචාර ගනන 28කි. කාබාසීනියා කල මහජන මුදල් ප්‍රමානය කෝටි 7කට වැඩිය.
විනාශයේ අක්මුල් සහ සාපේක්ෂ විසදුම
යහපාලුවන්ගේ මුල් මාස හය ගෙවුනේ ගද සුවද දැනෙන වුන්ගේ දෑස් නිලංකාර කරමිනි. මෙහි නොකියු නොලියූ මුත් මාස හය තුල යහපාලුවන් කල වංචා,දුෂණ,ගසාකෑම් අනන්තය. වංචාවෙන් සහ ප්‍රෝඩාවෙන් සිරිසේනලා බිලිගෙන ඇත්තේ දුවා දරුවන්ගේ සමස්ථ අනාගතයයි. තරුණ තරුණියන්ගේ හෙට දවසේ මුහුණු වල මැවෙන්නට තිබූ සිනහවයි. දරුවන් වෙනුවෙන් ජීවිතයම කැපකළ දෙමාපියන්ගේ අනාගත සුභ සිහිනයි. මේසා අලුගුත්තේරු වැඩ කල සිරිසේනලා රනිල්ලා තවත් ජනතාව ඉදිරියට විත් ‘‘යහපාලනය ’’ ගැන දොඩවයි.විනාශයේ අක්මුල් සහ සාපේක්ෂ විසදුම නොදැන අන්ධ ලෙස භාවිතා වන චන්ද වූ කලී සර්ව ජන චන්ද බලයට කරන නිගාවකි.ඉදිරියට යන ජාතියේ මං අවුරන්නකි.
ජනතාවගේ හදගැස්ම
77-88 එජාප ආන්ඩුවේ සිටි පුද්ගලයන් අතර ජනතාවට වඩාත්ම එපා වූයේ ජේආර්ය.89-94එජාප රජයේ ජනතාව දෙස් දෙවොල් තිබ්බේ ප්‍රේමදාස නමටය.94-2002 පොදු පෙරමුනු රජයේ ජතාවට තිත්තම වූ චරිතය චන්ද්‍රිකාය. 2002-2004 එජාප රජයේ ජනයා වැඩියෙන්ම මතක්කලේ රනිල්ගේ අම්මාය.2005-2014 රජයේ ජනතාවට එපාවූයේ රාජපක්ෂලා නොව වටේ සිට ගසාකෑ පිරිවරය. මැති ඇමතිවරු, රාජ්‍ය නිලධාරීන් , හමුදාවේ සහ පොලීසියේ දූෂිත උන්ය.රාජපක්ෂ ආන්ඩුවේ කාලේ ජනතාව වෛර කල එම දූෂිතයන් රැල අද සිරිසේනගේ ආන්ඩුව සමග යහමින් වැජඹෙයි.ජනතාව ගොනාට ඇන්දවූ සිරිසේනගේ යහපාලු රජය සියල්ලන්ටම අරහං වී ඇත.අද ජනයා අතර වඩාත්ම ගෞරවාදරයට පත් පුද්ගල ලැයිස්තුවේ අංක එක ගෝඨාභය රාජපක්ෂය.
තුන් හෙලේ කෑලෑ වල සිංහ පැටව් නැත උන් රට අතැර ගොසින්
දේශීය චින්තනයත් ජනමූල නායකත්වයත් සමග ඉදිරියට යන රාජ්‍යක ගමන සුපිරි බලැති අමෙරිකාවට හෝ එජා සංවිධානයේ සම්බාදක පවුරු මතින් නැවැත්විය නොහැක. නිශ්චිත හා යුක්ති සහගත දේශපාලන ඉලක්ක සමග නැගී සිටින ලාංකික ජාතිය ඉන්දියානු ව්‍යවස්ථා විලංගු වලින් සිරකල නොහැක. ස්වර්ණ භූමියේ උරුමය රැකීමට ගොඩ නැගෙන දේශමාමක ජන පවුර අධිරාජ්‍යවාදීන්ගේ සැටලයිට් වලට ඉලක්ක කළ නොහැක.දේශප්‍රේමීන්ගේ අතික්‍රමන හෝරාව කිසිවෙකුගේ රේඩාර් වලට හසු නොවනු ඇත. ජනතාවගේ අපේක්ෂාවට පි‍ටුපා විදෙස් තානාපතියන්ගේ ඔඩොක්කුවේ සිට දේශපාලනය මෙහෙයවන නෝනා මහත්වරුන් ප්‍රවේසම් විය යුතු කාලය එලඹ ඇත.
විශේෂ ලියුම්කරු කීර්ති රත්නායක
lankaeye1@gmail.com
ඊයේ (ජූනි 25) මෛත්‍රිපාල හා මහින්ද අතර සාකච්ඡා තිබුණු බව පළමුව ජනමාධ්‍යයෙහි වාර්තා විය. එහෙත් දැන් දෙපාර්ශ්වය ම කියන්නේ සාකච්ඡා නොතිබූ බව ය. රටේ ඇත්තක් කියන්නේ කවුදැයි දැනගැනීමට ක්රමයක් නැත. අප ද කරන්නේ අනුමාන කිරීම පමණකි. මෙවැනි කාලයක අනුමාන ඉදිරිපත් කිරීම තරමක අසීරු කරුණකි. දේශපාලනයෙහි ස්ථිර ගමන් මගක් පෙනෙන්නට නැතිවා පමණක් නොව, පෞද්ගලික ගනුදෙනු (ඩීල්) මගින්ද දේශපාලනය තීරණය වෙයි.
ඒ කුමක වුවත් පික්පොකට් අගමැති මින් පසු භාරකාර අගමැති වෙයි. ප්‍රශ්නය වනුයේ මැතිවරණයෙන් පසු ඔහු අගමැති වේ ද යන්න ය. ඔහු අගමැති වුවහොත් යමපාලනය වඩාත් භයානක අයුරෙන් ක්රියාත්මක වනු ඇත. සිංහලයන්ගේ අයිතිවාසිකම් එකිනෙක බලා සිටිය දී නැති වනු ඇත. උතුරු හා නැගෙනහිර පළාත් එකතු කෙරී ෆෙඩරල් ක්‍රමයකට මග පෑදෙනු ඇත. එය රට බෙදීමක් කරා තල්ලු කෙරෙනු ඇත. රණවිරුවන් ජීවිත පූජාවෙන් පරාජය කළ දෙමළ ත්‍රස්තවාදය නැවතත් හිස ඔසවනු ඇත. ඡන්දදායකයන්ගේ යුතුකම වනු ඇත්තේ ඒ නැවැත්වීම ය. ්්
පසුගිය මාස පහමාරක පමණ කාලයෙහි දෙමළ ජාතිවාදය පණගැන්වීමේ කාර්යය හොඳින් දැකගත හැකි විය. මංගල සමරවීර විදේශ ඇමති ලෙස රට බෙදීම සඳහා අවශ්‍ය කටයුතු සම්පාදනය කෙළේ අපේ අනාවැකි සනාථ කරමිනි. විග්නේස්වරන්ලා, සම්බන්ධන්ලා, සුමන්තිරන්ලා හැසුරුණේ කථා කෙළේ උතුරේ ඊනියා පළාත් ආණ්ඩුවක් තිබෙන අයුරෙනි. හකීම් සිංහලයන් තුට්ටු දෙකට දමා ක්රියා කෙළේ ය. බදියුද්දීන් විල්පත්තුව වනසතුන්ට අහිමිකර මුස්ලිම් ජනයා පදිංචි කෙළේ ජාතිවාදය පමණක් සලකමිනි.
දෙමළ ත්‍රස්තවාදීන්ට සමාව දීම ගැන සාකච්ඡා වූ අතර දෙමළ ජනයා ඝාතනය කිරීමක් සම්බන්ධයෙන් රණවිරුවකු මරණීය දණ්ඩනයට නියම කෙරිණි. අප ඔහුට සමාව දෙන ලෙස මෛත්‍රිපාලට බළකළ යුතු ය. ඔහු පෞද්ගලික මිනීමැරුමකට වරදකරු වූවා නො වේ. දරුවන් ගැහැණුන් අමු අමුවේ මරා දැමූ දෙමළ ත්‍රස්තවාදීන්ට සමාව දී ඇත. ජ වි පෙරමුණේ සාමාජිකයන් මරා දැමූ එ ජා ප ආණ්ඩුවට විරුද්ධව ඊනිය අභ්‍යන්තර පරීක්‍ෂණ කිරීමට බටහිරයෝ බලපෑම් නොකළහ. බටලන්ද ගැන විධිමත් පරීක්‍ෂණයක් කිරීම අත්‍යවශ්‍ය කරුණක් බවට පත් වී ඇත.
යමපාලනය ක්රියාත්මක කෙරුණේ සිංහලයන්ට, රණවිරුවන්ට හා ඊනියා රාජපක්ෂ රෙජිමයට විරුද්ධව ය. පොලිස් මාෆියාවක් පිහිටුවා පළිගැනීමේ ක්රියා දිගින් දිගට ම කෙරී ගෙන ගියේ ය. පික්පොකට් අගමැති රිසි සේ සිංහලයන්ගෙන් පළිගත්තේ ය. ඒ අතර දෙමළ ජාතිවාදීහු නිදැල්ලේ හැසිරුණ හ. මේ සියල්ල හා තවත් සඳහන් නොකළ සිංහල විරෝධී ක්රියා අවසන් කළ යුතුව ඇත. අප කලින් ම කී පරිදි ඊනියා යහපාලනය සිංහල විරෝධී ක්රියා වසං කිරීමට යොදාගත් වෙස් මුහුණක් පමණක් විය. සියළු දේශප්‍රේමීන්ට එකතු වීමට කාලය පැමිණ ඇත. සිංහලයන්ගෙන් තුනෙන් දෙකක ඡන්දය ලබාගැනීමට හැකි නම් ආණ්ඩුවක් පිහිටුවීම ප්‍රශ්නයක් නො වේ. මේ සම්බන්ධයෙන් සිංහල විරෝධීන් ඉදිරිපත් කරන ගණන් හිලවු මුළුමනින් ම වැරදි ය. සිංහලයන්ගෙන් තුනෙන් දෙකක් එකතු වන විට රටට හිතැති දෙමළ මුස්ලිම් ජනයා ද ඔවුන්ට එක්වනු ඇත.
අද අවශ්‍ය වන්නේ දේශපාලන පක්‍ෂයක නායකත්වය නොව දේශප්‍රේමී වැඩ පිළිවෙළක නායකත්වයකි. ඒ සඳහා සටන්පාඨ කිහිපයක් අවශ්‍ය වෙයි. ඇතැම් විට එකක් වුවත් සෑහෙනු ඇත. ව්‍යවස්ථාව වෙනස් කිරීමට ජනවරමක් ලබාගෙන 1972 දී මෙන් ව්‍යවස්ථා සභාවක් පිහිටුවා ක්රියා කළ යුතු ය. පළාත් සභාවල කාර්යභාරය වෙනස් කළ යුතු ය. අද පළමු කාර්යය විය යුත්තේ දේශප්‍රේමි වැඩ පිළිවෙළක් වහා සකස් කර ගැනීම ය.
නලින් ද සිල්වා
2015 ජූනි 26
ඒ අස්සේ මහා මුග්ධ හඩකි. එම්බා මහින්ද, බෙලිඅත්තෙන් මා සමඟ එනු සටනට! දූෂිතයින්ට නොමිනේෂන් දුන්හොත් එජාප සිරිකොත හබක්ය. ඩාර්ලි රෝඩ් ශ්‍රිලනිපට ගේමක්ය. සෞඛ්‍ය ඇමති රාජිත සේනාරත්නගේ ලොකු පුතාට පිස්සුවේ හොඳ එකය. මෝඩකමට සීමා නැත. "මලයණ්ඩි බිය නොවන්න, නෝන්ඩි වෙන සැටි මං පෙන්වන්නං" කියා ලොකු පුතා චතුර සේනාරත්න ඔහුගේ මලයා වන එක්සත් සේනාරත්න සමඟ ඔට්ටුවක් ඇල්ලුවාද දන්නේ නැත.
මහින්ද රාජපක්ෂ යනු තිස් වසරක කොටි ත්‍රස්තවාදී යුද්ධය පරදවා මව්බිමට විජයග්‍රහණය ගෙනා එකම දේශපාලන නායකයාය. මහින්ද රාජපක්ෂ පාර්ලිමේන්තුව ප්රථම වරට මන්ත්රීවරයෙකු ලෙස ඇමතුවේ හරියටම මෙයට වසර 45කට පෙර 1970 මැයි 27 හත්වැනි පාර්ලිමේන්තු මහා මැතිවරණයෙන් ජය ලැබීමෙන් පසු 1970 ජුනි 14වැනිදා පස්වරු 4.07ටය. ඒ වන විට චතුර සේනාරත්න ලොවෙත් නැත. ලොවි ගහෙත් නැත. අගමැති රනිල් වික්‍රමසිංහගේ වට්ටක්කා සම්මානයෙන් පුද ලද වාසුදේව නානායක්කාර සහෝදරයා සිටියානම් ආතතියෙන් හෝ කියනු ඇත්තේ එදා පාර්ලිමේන්තුවේ කීවාක් මෙන් මෙදා පුතා යන වචනයේ ඉදිරියට අකුරු තුනේ තවත් වචනයක්ද එක් කරමිනි.
මුහුණු පොතේ බයියලා සහ ටොයියලා දිගට හරහට අසන්නේ "ගහේ කටු උල්කරන්ඩ ඕනිය ආයිබෝන්ඩ?" කියාය. බයියෝ සහ ටොයියෝ එසේ කීවද තවමත් අප සිතන්නේ එදා මෙන් අදද රාජිත සේනාරත්න ප්‍රගතිශීලි කඳවුරේ බවය. 'යහපාලන' ආණ්ඩුවේ රාජිතලා වැනි අය සිටීම එක් අතකින් හොඳය. අපට පක්ෂ දේශපාලනයක් නැතත් දේශපාලනයක් ඇත. වෛද්‍ය රාජිතගේ ඉතිහාසයද සටන්කාමීය. පේරාදෙණිය සරසවියෙන් 1974දී රජයේ සේවයට එක්වූ රාජිත රජයේ දන්ත වෛද්‍යවරුන්ගේ සංගමයේ ප්රධාන ලේකම් වූයේ 1975දීය. වසර 19ක් එම තනතුරු දැරූ රාජිතගේ නායකත්වයෙන් 1986දී ජේ.ආර්.ගේ එජාප ආණ්ඩුව දණ ගස්සවා දින 26ක අඛණ්ඩ වැඩ වර්ජනයක් මගින් දන්ත වෛද්‍යවරුන්ගේ සියළු ඉල්ලීම් දිනා ගැනීමට සමත් විය.
ජේ.ආර්. ආණ්ඩුවට එරෙහිව ගොවිබිමේද, වැඩබිමේද, සරසවියේද සටන් සමඟ රාජිත සේනාරත්න එක්විය. ජනතා විමුක්ති පෙරමුණේ දෙවැනි කැරළි සමයේ තමාට මරණ වරෙන්තු නිකුත්කර තිබියදී පවා පෞද්ගලික වෛද්‍ය විද්‍යාලයට එරෙහිව රටපුරා රැස්වීම්වලට රාජිත එක්විය. මේවා ඇසූ දේ නොව සියසින් දුටු දේය. ඔහුගේ බිරිඳවූ වෛද්‍ය සුජාතා සියල්ල පසුපස සිට දිරි දුන්නාය. කලෙක ධර්මසිරිලාද පසු කලෙක එරාජ්, බොරැල්ලේ සුදත්, සරත් සහ වැල්හේනේ හාමුදු‍රුවෝ ඇතුළු පිරිසක් ඔහුගේ සටන් සගයින් අතර සිටියා මතකය.
මහින්ද රාජපක්ෂ සමඟද ප්‍රගතිශීලි සටන්වලට රාජිත නිරතුරුව එක්විය. ජනපති මහින්දගේ දෑත් ශක්තිමත් කරන්නට වරෙක එජාපයේ 18 දෙනෙකු සමඟ ආණ්ඩුවට එක්විය. එබැවින් 'යහපාලන' ආණ්ඩුව යටතේද ගෝඨාභය රාජපක්ෂට තම නිවසේ කෑමකටද ඔහු ආරාධනා කරයි. පාසැල් මිතුරෙකු වන හිටපු ඇමති බැසිල් රාජපක්ෂගේ සුවදුක් විමසීමටද රෝහලට යයි. රාජිත සේනාරත්න එදා සිටම හැප්පුනේත් ගැටුනේත් දේශපාලන මතවාදයන්ට එරෙහිව මිස පුද්ගලයින්ට එරෙහිව නොවේ. එහෙත් චතුර සේනාරත්න ඒ සදාචාරාත්මක හැදියාව පියා ගෙන් ඉගෙනගත් සැටියක් පෙනෙන්නට නැත. ඇටි කෙහෙල් කෑ උගුඩුවෙකු මෙන් ලතෝනි දෙන්නේ එබැවිනි.
චතුර සේනාරත්න ඇසුරු කළේ අතුරලියේ රතන හිමි සහ අශෝක ගුණවර්ධන වැනි අය බව කියති. ඒ දෙදෙනාම දශක තුනක් වාම දේශපාලනයේ තෙම්පරාදුවූ උගතුන්ය. එම පැසුණු පොල් මැදට වී තමන්ද පොලයක් ලෙස පෙනී සිටීමට ඔහු තැත් කලද මහින්ද රාජපක්ෂයන්ට එරෙහිව අභියෝග කිරීමෙන් පෙන්නුම් කළේ තමා පොලයක් නොව පොල් කෝම්බයක් බවය. කෝම්බයා කිසි විටකත් කෝම්බයක් සේ නොසිතයි. ඔහු සිතන්නේ තමන් පොල් කෝම්බයක් නොව කාල බෝම්බයක් බවය. එබැවින් මුඛරි කටෙන් හතර අතේට වනයි. ඇතුලේ මදේ පමණක් නොව ලොඳවත් නැතිබව පෙනෙන්නේ එවිටය.
චතුර සේනාරත්න මේ අභියෝගය කළේ සුගතදාස ගෘහස්ථ ක්‍රීඩාංගනයේදීය. එහි ආසන 5,000ක් පමණ ඇත. ඉන් 3,200ක් පමණ පිරී සිටි බව සැබෑය. සෙනඟ බහුතරයක් ගෙන ආවේ ජාතික ධීවර මහා සම්මේලනය මගිනි. එය පිහිටුවූයේ 2010දී රජයේ ධීවර අමාත්‍යාංශය මගිනි. ශ්රී ලංකාවේ ක්‍රියාකාරි ධීවරයින් ලක්ෂ 5ක් පමණ සිටින අතර ඉන් 105,000ක් පමණ මෙහි සාමාජිකයින්ය. රජයේ ධීවර සහන මෙම සම්මේලනය මාර්ගයෙන් ලැබෙන හෙයින් සමස්ථ ධීවර ප්‍රජාවගෙන් පහෙන් එකක් මෙහි සමාජිකත්වය ලබාගෙන ඇත. නිල බලයෙන් එහි සභාපති ධීවර ඇමතිවරයාය. ඒ අනුව වර්තමානයේ සභාපතිවරයා වන්නේ ධීවර ඇමති සහ හම්බන්තොට දිස්ත්‍රික් ශ්රිලනිප මන්ත්‍රී මහින්ද අමරවීරය. ධීවර සම්මේලනයට පිටස්තරින් ධීවරයින් නොවන පුද්ගලයින්ද 5 දෙනෙකු නම් කල හැකිය. ඒ අනුව ධීවර ඇමති මහින්ද අමරවීරට ඇති බලතල අනුව පත්කල 5 දෙ‍නාගෙන් අයෙකු වූ චතුර සේනාරත්න එම ධීවර සමිති සම්මේලනයේ මහලේකම්ය. බෙලිඅත්තේ මහින්ද රාජපක්ෂට චතුර අභියෝග කරන්නේ තංගල්ලේ මහින්ද අමරවීරගේ තල්ලුවෙන්දැයි සාධාරණ සැකයකි.
චතුරගේ සමුළුවට දිස්ත්‍රික්ක 10කින් ධීවර සමිති නියෝජිතයෝ බස් 20කින් පැමිණ තිබේ. බස්වලට ණය නැත. මුදල් ගෙවා ඇත. ඒ අතින් හොදය. බත් පැකට් එකක්ද ලබාදී තිබිණි. එය පින් අතේ වැඩකි. හම්බන්තොටින් පමණක් බස් 5ක් පැමිණි බව කියති. හම්බන්‍තොටදී ධීවර සම්මේලනයේ නියෝජිත ලාල් ඇතුළු පිරිසක් බර ඇද්දේය. ධීවරයින් කොළඹට ගෙන ආවේ ධීවර ගැටළු සාකච්ඡා කිරීමටය. එහෙත් නොදනුවත්ව ධීවරයෝ පැමිණ සිටියේ වෙන තොවිලයකටය. කුම්බලා මාළු කෑවානම් දුක විදපන් බළලෝ කීවාක් මෙන් ධීවර ඇමති මහින්ද අමරවීර සතුටු කරන්නට ගොස් චතුරගේ හුඹස් කට විවර විය.
කොළඹ පදික වෙළෙන්දෝද සිය ගණනක්ද එම රැස්වීමට පැමිණ තිබිණි. කොළඹ පදික වෙළෙන්දෝ වර්තමානයේ සංගම් තුන හතරකට කැඩී ඇත. ලොකු බෑය මහින්ද කහඳගමගේ අතේය. පිරිසක් ඌවතැන්නේ සුමන හිමියන්ගේ නායකත්වයට යටතේය. තවත් පිරිසක් කොළඹ නගරාධිපති මුසාමිල් පසුපසය. ඒ නගරාධිපති බිරිඳ මුසාමිල් නෝනා ඉදිරි ඡන්දයේදී පාර්ලිමේන්තුවට යවන්නටය. තව පිරිසක් චතුර සේනාරත්න වටා රොක් වෙමින් සිටී. මේවාට පින් සිදුවන්නට පදික වෙළෙඳුන්ට යළි කොටුවේ වීදි තුනක පිනුම් ගසන්නට යළි ඉඩදී ඇත. සංචාරකයින්ගේ හිත දිනාගත් කොළඹ නගරයට දැන් ලොව ප්රථම ස්ථානයය. හෙට අනිද්දා වන විට අන්තිම තැන හිමිවූවද පුදුම විය යුතු නැත.
මහින්ද රාජපක්ෂ ගෙදර ගොස් නැත. ජනයා සමඟ ඇත. ඩාර්ලි පාරේ ශ්‍රිලනිප‍යේද මහින්ද නැත. ශ්රිලනිප නායක ජනාධිපති මෛත්‍රීපාල ඉකුත් සඳුදා පැවසූ පරිදි මහින්ද පමණක් නොව ශ්රිලනිප මන්ත්‍රීවරුන් 127ක්ද ඩාර්ලි පාරේ ශ්රිලනිප බිල්ඩිමට පැමිණ නැත. ශ්රිලනිප සභාපතිත්වය ව්‍යවස්ථා වගන්තියකින් මෛත්‍රීපාල සිරිසේනට මාරු වූවද අති බහුතරයම ශ්රිලනිප පාක්ෂිකයෝ එජාප ආණ්ඩුව සමඟ එවැනි සීරු මාරුවලට අකමැතිය. ඒ අනුව මහින්දගේ ලක්ෂ 58 ඡන්ද මල්ලේ ශ්රිලනිප ඡන්ද තවමත් නායකයා ලෙස පිළිගන්නේ මහින්ද රාජපක්ෂය. ශ්රිලනිප යනු ඩාර්ලි පාරේ පක්ෂ මූලස්ථානය හෝ පක්ෂයේ අත ලකුණ නොව සඟ, වෙද, ගුරු, ගොවි, කම්කරු පංච මහා බලවේගය රැස්වෙන තැන බව මහින්ද රාජපක්ෂ කියන්නේ ඔලොක්කුවට නොවේ. මීලඟ මහා ඡන්දයේදී ශ්රිලනිප සැබෑ නායකයා ලෙස ශ්රිලනිප පාක්ෂිකයින් මහින්ද රාජපක්ෂ ඔසවා තබනු ඇත.
වර්තමානයේ මහින්ද රාජපක්ෂගේ දිනූ දේශය රැක ගැනීමේ වර්තමාන භූමිකාවට එරෙහිව සමච්චල් කරන මාර දූ පුත්තු කිහිපදෙනෙකි. 'යහපාලන' ආණ්ඩුවේ ඇමතිවරුන් වූ ලක්ෂමන් යාපා අබේවර්ධනගේ පුත්‍රයා වන මාතර දිස්ත්‍රික් පළාත් සභා මන්ත්‍රී පසඳ අබේවර්ධන, ජීවන් කුමාරතුංගගේ දියණිය වන මල්ෂා කුමාරණතුංග, පාර්ලිමේන්තු මන්ත්‍රී සහ ජනාධිපති උපදේශක දි.මූ ජයරත්නගේ පුත් අනුරාධ ජයරත්න, දිවංගත භාරත ප්‍රේමචන්ද්‍රගේ දියණිය වන හිරුණිකා ප්‍රේමචන්ද්‍ර, හිටපු ඇමති මර්වින් සිල්වාගේ පුත් මාලක සිල්වා ඒ අතර වෙති. චතුර සේනාරත්නද අයත් වන්නේ එම පරපුරටමය. ඔවුන්ට කිව හැක්කේ "බඩුත් අපේ, නඩුත් අපේ, මයි කාර්, මයි පැට්‍රෝල්" යන්න පමණි. 'යහපාලන' ආණ්ඩුව මගින් මහින්ද රාජපක්ෂට කෙලින්ම පහර ගැසීමෙන් වැඩක් නොවන නිසා ශ්‍රිලනිපයේ මාර දූ පුත්තු ලවා පහරදීම අලුත්ම උපක්‍රමය බවට පත්වී ඇත.
මූදු පුත්තු කියන්නේ මහගමසේකරගේ සහ ගුණසේන ගලප්පත්ති‍ගේ නාට්‍යයක්ය. එය ස්පාඤ ජාතික සිවිල් යුද්ධයේදී මියගිය කිවියෙකුගේ කෘතියක් ඇසුරින් නිෂ්පාදනය කරන ලද්දකි. මාර දූ පුත්තු කියන්නේ පැරණි ටවර්හෝල් ගී ඛණ්ඩයකින් එන වදනකි. විශාරද නන්දා මාලනී සහ සුනිල් එදිරිසිංහයන් එය යළි ජනගත කළේය. "නන්වන් වෙස් ගෙන විලාස, දාර පිඹුරු නයි පොළොංගු දරණ වෙලා පටලාගෙන, ඇතා පිටින් වැටුණයි අධිපති මාරයා දෙරණ" යන්න එහි එක් ගී පැදියකි. එනම් මහා බෝධි මූලයේදී බුද්ධත්වයට පත්වන අවස්ථාවේදී එයට බාධා කිරීමට විවිධ වෙස්ගෙන මාර සේනාව පැමිණ ඇත. නමුත් බුදුන් වහන්සේගේ කරුණා ගුණයෙන් මාර උන්නැහේලා ඇතා පිටින් වැටෙන හැටි මෙම ගීයෙන් මනාව පිළිඹිඹු වේ. මාර දූ පුත්තු විවිධාකාර වෙස්ගෙන පැමිණියද සත්‍ය හමුවේ ඔවුහු කල්යල් නොගොස් හිරුදුටු පිනි මෙන් වියකී යන බව මින් සක්සුදක් සේ පැහැදිලිය.
පළුද්දක්, වැරදීම්, අතපසුවීම් නැති අතීතයකට ලොව කිසිවකු උරුමකම් කියන්නේ නැත. ඒවා පසුතැවීමට හේතුවක් විය යුතුද නැත. මීලඟ අවස්ථාවේදී මාරුතයක් සේ නැගී සිටිය යුතුය. සාර්ථකත්වය යනු පරාජය කනපිට පෙරලීමකි. මහින්ද සුළඟ ඇස් බැන්දුමක් නොවේ. එය හෙට දිනයේ සැබෑවන යථාර්ථයකි. අපට දුක, මහින්ද චින්තන ප්රතිපත්ති මත පදනම්ව ජනතාවගෙන් ඡන්දය ඉල්ලා ඉන් ජයගෙන හොම්බ බිම ඇනගෙන ඉව අල්ලමින් 'යහපාලනය' සොයන්නට වෙහෙ‍සෙන ඩාර්ලි රෝඩ් ශ්‍රිලනිපයේ මේ මාර දූ පුත්තු ගැනය.
ධර්මන් වික්‍රමරත්න
ඔබගේ වටිනා අදහස් යොමුකරන්න ejournalists@gmail.com
පසුගිය ජනාධිපති මැතිවරණය තුලදී මහින්ද ගෙදර යැවීම පොදු අපේක්ෂකයා වටා ගොනු වු සියළු දේශපාලන පක්ෂ හා සිවිල් සංවිධානයන් ගේ මූලික පරමාර්ථය විය. එය ඔවුහු රාජපක්ෂ රෙජිමය පරාජය කිරීමක් ලෙසට ප්රකාශ කර ඇත. එයට පෙරාතුව ශ්රී ලංකාවේ කිසිදු පාර්ලිමේන්තු හා ජනාධිපති ආණ්ඩුවකට එරෙහිව රෙජිමය යන පදය මැතිවරණ දේශපාලයේදී භාවිත කොට නැත. මලලසේකර ඉංග‍්‍රීසි සිංහල ශබ්ද කෝෂයට අනුව රෙජිම් ( Regime) යයි කීමේදී රජයනය, රාජ්‍ය පාලන ක්රමය අදහස් කර ඇත. වැඩිදුරටත් එමගින් ආණ්ඩුව යන්න අපහාසාත්මක ලෙසට හැඳින්වීම සඳහා ව්‍යවහාර කරයි.
එකල විරුද්ධ පක්ෂ විසින් රාජපක්ෂ රෙජිමය ලෙසට පසුගිය එක්සත් ජනතා නිදහස් සංධාන ආණ්ඩුව හැඳින්වීම මගින් එය රාජපක්ෂ පවුලේ පාලනයක් ලෙසට හඳුන්වා දීමට උත්සාහ කොට තමන් එම පවුල් පාලන දේශපාලනයට විරුද්ධ බව පෙන්වා දීමට උත්සාහ කරන ලදි. එලෙස රාජපක්ෂ පවුලේ පාලනය යැයි කීමේදී මහින්ද රාජපක්ෂ ජනාධිපති ලෙස සිටීම, බැසිල් රාජපක්ෂ ඇමතිවරයෙකු ලෙස සිටීම , චමල් රාජපක්ෂ කථානායක වශයෙන් කටයුතු කිරීම, නාමල් රාජපක්ෂ මන්ත්රීවරයෙකු ලෙසට ක්රියා කිරීම හා ගෝඨභය රාජපක්ෂ ආරක්ෂක අමාත්‍යාංශයෙහි ලේකම් වශයෙන් කටයුතු කිරීම අදහස් කර ඇත.
එකම පවුලේ සාමාජිකයින් දේශපාලනය කටයුතුවල නියලීම ලෝකයෙහි බොහෝ රටවලින් දක්නට ඇති දෙයකි. පවුල් දේශපාලනය හා සම්බන්ධවීම ඉන්දියාව හා පකිස්ථානය, පිලිපීනය යන ආසියාතික රටවල් වෙතින් මෙන්ම ඇමරිකා එක්සත් ජනපදය හා බි‍්‍රතාන්‍ය යන බටහිර රටවල් වෙතින් ද දක්නට ඇත. බොහෝවිට 2016 දී ඇමරිකාව එක්සත් ජනපදයෙහි පැවැත්වීමට නියමිත ජනාධිපතිවරණය සඳහා ප‍්‍රජාතන්ත‍්‍රවාදී පක්ෂයෙන් හිලරි ක්ලින්ටන් හා සමුහ ආණ්ඩු පක්ෂයෙන් ඩෙප් බුෂ් ඉදිරිපත් විය හැකිය. ශ්රී ලංකාවේ පවුල් දේශපාලනය පමණක් නොව එක්සත් ජාතික පක්ෂය හා ශ්රී ලංකා නිදහස් පක්ෂ යන ප්රධාන පක්ෂ දෙක වටා පැවති පාලනය ප‍්‍රභූ පැලැන්ති (lalan) දෙකක අරගලය ලෙස ජානිස් ජිගින්ස් තම ආචාර්ය උපාධිය සඳහා පේරාදෙණිය විශ්ව විද්‍යාලයට ඉදිරිපත් කරන ලද Caste and family in the politics of the Sinhalese, 1947 -1976 (සිංහල දේශපාලනය තුල පවුල හා කුලය 1947 -1976 ) යන නිබන්ධනය මගින් පෙන්වා දී ඇත. එය පසුව කෘතියක් ලෙසට මුද‍්‍රණය කරන ලදි.
එම කෘතියට අනුව ශ්රී ලංකාවේ මැතිවරණ දේශපාලනය සේනානායක, කොතලාවල, විජේවර්ධන, ජයවර්ධන, කොරයා යන ප‍්‍රභූ පවුල් කීපයක් එකතුව හා බණ්ඩාරනායක, රත්වත්ත, ඔබේසේකර හා දිවිතොටවල යන පවුල් අතර පැවතී ඇත. එම කෘතියට අනුව එම පවල් ගැටුම 1943 බලංගොඩ රාජ්‍යමංත‍්‍රණ සභා අතුරු මැතිවරණයේ දී සිට ආරම්භ වී ඇත.
1931 රාජ්‍ය මන්ත‍්‍රණ සභා මැතිවරනයේදී බලංගොඩ ආසනය ශ‍්‍රීමත් කුඩා රත්වත්ත ජයග්රහණය කළ අතර , ඔහු 1936 දී සෞඛ්‍ය හේතූන් මත තරඟ කොට නැත.1936 දී එම ආසනය දිනූ එච්.ඒ.ගණසේකර හට අල්ලස් චෝදනා මත පසුව ආසනය අහිමිව ඇත. ඒ අනුව 1943 දී පැවැත් වූ අතුරු මැතිවරණයට සේනානායක පාර්ශවයෙන් ශ‍්‍රීමත් ප‍්‍රැන්සිස් මොලමුරේ ඉදිරිපත් වු අතර රත්වත්ත පාර්ශවයෙන් සිරිමා බණ්ඩාරනායක මැතිනියගේ පියා වු ශ‍්‍රිමත් බාන්ස්් රත්වත්තේ ඉදිරිපත් වූහ. මෙකල දී ශ්රී ලංකාව තුල දේශපාලන පක්ෂ ක්රමයක් නොතිබුන අතර මැතිවරණ සටන ප‍්‍රභූ පවුල් ආශ‍්‍රයෙන් සිදුවූහ. එකල වනවිට දී බණ්ඩාරනායක - සිරිමා අතර විවාහය සිදුවීම මත බණ්ඩාරනායකගේ සහයෝගයද, රත්වත්තේ පාර්ශවයම හිමිවූහ.
එම අතුරු මැතිවරණයේදී රාජපක්ෂයන්ගේ සහයෝගය ද ශ‍්‍රීමත් බාන්ස් රත්වත්තේ වෙත හිමිව ඇත. එම අතුරු මැතිවරණය මගින් ශ‍්‍රීමත් ප‍්‍රැන්සිස් මොලමුරේ ජයග්රහණය කල අතර එමගින් සේනානායක පැලැන්තිය (lalan) හා රත්වත්ත - බණ්ඩාරනායක පැලැන්තිය අතර දේශපාලන බල අරගලයෙහි ආරම්භය සනිටුවහන් කර ඇත.
නිදහසින් පසුව එක්සත් ජාතික පක්ෂය සේනානායක, කොතලාවල, ජයවර්ධන, විජේවර්ධන හා කොරයා යන පවුල් සමූහයෙහි දේශපාලන සංවිධානය ලෙසට පරිවර්තනය වූහ. එකලදී එම පක්ෂය ( යූ.එන්.පී.*මාමාලාගේ සහ බෑනලාගේ (Uncle Nephew Party) ලෙසට පක්ෂය අපහාසාත්මක ලෙස හඳුන්වා ඇත. එම පදය ශ‍්‍රීමත් ජෝන් කොතලාවලට විසින් ද වරින් වර ප්රකාශ කර ඇත. එම පක්ෂය තුල නායකත්වය සහ තීන්දු ගැනීමේ කාර්ය ඉහත සඳහන් පවුල් මත තීන්දු වී ඇත. වර්තමාන එක්සත් ජාතික පක්ෂය විජේවර්ධන, වික්රමසිංහ, ජයවර්ධන හා සේනානායක යන පවුල් වෙතින් ක්රියාත්මක වේ. එහි අනාගත නායකත්වය විජේවර්ධන පවුල වෙත ලැබිය හැකිය. ඒ අනුව තවදුරටත් එජාප යනු මාමලාගේ හා බෑනලාගේ පක්ෂය ලෙසට හැඳින්විය හැකිය.
1951 දී එස්.ඩබ්ලියු.ආර්.ඞී.බණ්ඩාරනායක, ඞී.ඒ. රාජපක්ෂ ඇතුළු කිහිපදෙනෙකු සමග එක්සත් ජාතික පක්ෂ රජයෙන් ඉවත්ව ශ්රී ලංකා නිදහස් පක්ෂය පිහිට වුහ. ශ‍්‍රීලනිප වෙතින් සේනානායක පැලැන්තියට විකල්පව බණ්ඩාරනායක, රත්වත්ත ඔබේසේකර පැලැන්තිය නියෝජනය වූහ. එජාප වෙතින් නාගරික ධනපති පංතිය නායෝජනය වු අතර ශ‍්‍රීලනිප වෙතින් රදල ප‍්‍රභූ පවුල් මත පදනම් ව සාමාන්‍ය ජනතාව නියෝජනය වුහ.
ශ්රී ලංකාව වැනි කලක් යටත්ව සිට පසුව නිදහස ලබාගත් රටක සර්වජන ජන්දබලය හා පාර්ලිමේන්තු ආණ්ඩුක‍්‍රම පැවතිය ද දේශපාලනය ප්රතිපත්ති හෝ දේශපාලන මතවාදයන්ට වඩා දේශපාලන ප‍්‍රභූ පවුල්මත ක්රියාත්මක වීම අරුමයක් නොවීය.
පසුගිය ජනාධිපතිවරණයේදී රාජපක්ෂ රෙජිමය පලවා හරිමු යන සටන් පාඨය භාවිත වුව ද සේනානායක හා බණ්ඩාරනායක පවුල් හා පැලැන්ති පාලනයන් හා සංසන්දනාත්මක සැලකීමේදී එහි ප‍්‍රභූ පවුල් රෙජිමයක් නොතිබුණි. රාජපක්ෂ පවුල සේනානායක හා බණ්ඩාරනායක පැලැන්තිය සමග සංසන්දනාත්මකව සැලකීමේ දී ප‍්‍රභූ පවුල් සම්භවයක් නොමැති බව සඳහන් කල යුතුය. ආණ්ඩුව යයි සඳහන් කිරීමේදී ව්‍යවස්ථාදායකය, විධායකය හා අධිකරණය ත‍්‍රිත්වය අදහස් කලද රෙජිමය යන්න ඊට වඩා පුළුල් හා සංකීර්ණ වූවකි. මේ අනුව රෙජිමය යැයි කීමේදී ව්‍යවස්ථාදායකය, විධායකය, අධිකරණය පමණක් නොව පරිපාලනය, වානිජ්‍ය හා වෙළඳ අංශය, ආරක්ෂක අංශය හා මාධ්‍යයද අයත් කල හැකිය. මෙම අර්ථකථනයට අනුකූලව පවුල් හෙවත් පැලැන්ති රෙජිමය ඉතා පැහැදිලිව සේනානායක හා බණ්ඩාරනායක පැලැන්ති සමුහය වෙතින් මනාව පෙන්වා දී ඇත.
1947 සිට 1952 දක්වා එජාප ආණ්ඩුවෙහි නායකත්වය ඞී.එස්.සේනානායක ඉසුළු අතර ඔහුගෙන් පසු 1952 -53 දක්වාත් 1960 මාර්තු හා ජූලි දක්වාත්, 1965-1970 අතරේදීත් ඔහුගේ පුත් ඩඞ්ලි සේනානායක විසින් දරා ඇත. 1953-1956 අතර කාලයෙහි එජාප ආණ්ඩුව ඞී.එස්. සේනානායකගේ බෑනා වු ශ‍්‍රීමත් ජෝන් කොතලාවල විසින් උසුලා ඇත. එලෙස පක්ෂ නායකත්වය හා ආණ්ඩුනායකත්වය පමණක් නොව අධිකරණ, පරිපාලන වානිජ්‍ය හා වෙළඳ ආරක්ෂක හා මාධ්‍ය යන අංශයන් ගේ ආධිපත්‍යය ද ඉහත කාලයන්හි දී සේනානායක පැලැන්තිය විසින් දරා ඇත. ශ්රී ලංකාවෙහි එක් විශ්ව විද්‍යාලයක්ව තිබූ සමය තුලදී ශ‍්‍රීමත් නිකුලස් ආටිගල උපකුලපති වශයෙන් පත්වීමත් සමග (1952-1965) උසස් අධ්‍යාපනය ද සේනානායක පැලැන්තිය සතු වූහ.
1956 සිට 1959 දී එස්.ඩබ්ලියු.ආර්.ඞී.බණ්ඩාරනායක ඝාතනය තෙක්ම ශ්රී ලංකා නිදහස් පක්ෂය හා ආණ්ඩු බලය බණ්ඩාරනායක වෙත පැවතියද ඔහු විසින් තම ආණ්ඩු බලය පවත්වා ගැනීම සඳහා තම ඥාතීන් සම්බන්ධ කර නොගනී. ඔහුට පසුව බණ්ඩාරනායක, රත්වත්ත, ඔබේසේකර පැලැන්තිය දේශපාලනයට සම්බන්ධවීම සිරිමා බණ්ඩාරනායක පාලන කාලයේදී සිදුවී ඇත. ඇය ප්රථම වරට 1960-65 දී ද පසුව 1970-77 දක්වාත් ආණ්ඩු බලය හොබවන ලදි. එම කාල සීමාව තුලදී විශේෂයෙන් 1970-77 අතරේදී බොහෝ බණ්ඩාරනායක, රත්වත්ත ඥාතීන් දේශපාලනයට හා පරිපාලන කටයුතු වල අනුයුක්තව ඇත. 1970 -77 කාලය තුලදී සිරිමාවෝ බණ්ඩාරනායක මැතිනයගේ ආණ්ඩුවෙහි ප්රධාන සහායකයා ලෙසම අනුර බණ්ඩාරනායක කටයුතු කල අතර සුනේත්රා බණ්ඩාරනායක හා ඇගේ සැමියා හා චන්ද්රිකා බණ්ඩාරනායක ද වගකිව යුතු තනතුරු දරන ලදි. එහි ප්රතිඵලයක් ලෙස 1977 මැතිවරණයේදී එජාප විසින් රත්වත්ත බණ්ඩාරනායක”පවුල් ගස”යන පත‍්‍රිකාව මැතිවරණ ප‍්‍රචාරක කටයුතු සඳහා බහුලව උපයෝගි කරගෙන ඇත.
1977 පාර්ලිමේන්තු පරාජයෙන් පසුවද 1994 දක්වා ශ‍්‍රීලනිප නායකත්වය සිරිමා බණ්ඩාරනායක මැතිනිය වෙත පැවති අතර 1994 සිට 2005 දක්වා පක්ෂයෙහි බලය චන්ද්රිකා බණ්ඩාරනායක විසින් හොබවන ලදි. 2005 ජනාධිපතිවරණය වෙතින් මහින්ද රාජපක්ෂ බලයට පත්වීම වු කලී සේනානායක - වික්රමසිංහ හා බණ්ඩාරනායක ප‍්‍රභූ පවුල් හි දේශපාලන ආධිපත්‍යයට බලගතු පහරක් වූහ. එහි ප්රතිඵලයක් ලෙසට පැරණි සතුරු ප‍්‍රභූ පැලැන්ති රාජපක්ෂ ගෙදර යැවීමට පෙරමුණ ගත්හ. එම අරමුණ ඉටු කර ගත් පසු එය විප්ලවයක් ලෙසට පෙන්වා දීමට ආයාශයක් දරා ඇත. එය සත්‍ය වශයෙන්ම විප්ලවයකට වඩා අරාබි වසන්තයක දේශීය නිරූපනයකි. ඒ සඳහා ශ්රී ලංකාවෙහි බහුතරයෙහි බහුතරය නොව සුළුතරයෙහි බහුතරය කුමන්ත‍්‍රණකාරීව උපයෝගී කරගෙන ඇත. එය පැහැදිලි වශයෙන් මැතිවරණ ප‍්‍රතිඵලයට අනුව ශ්රී ලංකාවේ සිතියම සැලකීමේදී දක්නට ඇත. ඒ සම්බන්ධව සමහර බටහිර රටවල් හා ඔත්තු සේවාවන්ගේ දායකත්වය ඉහලින්ම ලැබී ඇත. එහිදී ශ්රී ලංකාවේ පදිංචි නොවු විදේශීය රටවල වාසය කරන බෙදුම්වාදී සුළු ජාතික ශ්රී ලාංකිකයන් ද දායක විය. ඔවුහු මාධ්‍ය මගින් ඩයස්පෝරාව (Diaspora) ලෙස හඳුන්වති. එය සාවද්‍ය වූවකි. එම පදය මගින් යුදෙව්වරුන්ගේ විසිරියෑම මුලිකවම අදහස් කර ඇත. එම පදයෙහි මූලාශ‍්‍රය බයිබලය වේ. එයට අනුකූලව යුදෙව්වන් හට දෙවියන්වහන්සේ විසින් පොරොන්දු වූ කිරි හා පැණියෙන් ඉතිරී ගිය දේශයක් ඇත. එය වර්තමාන ඊශ‍්‍රායලය වේ. ශ්රී ලාංකික ද‍්‍රවිඩ ජනතාව 1983 ජාතිවාදී අරගලයෙන් පසුව බටහිර රටවල සරණාගතයින් ලෙසට යෑම වූ කලී බෙදුම්වාදී අරගලයෙහි උපාය උපක‍්‍රමික සිදුවීමකි. ඔවුන් ශ්රී ලංකාවෙහි වාසය නොකරන (non residence) ශ්රී ලාංකිකයන් ලෙසට හැදින්විය යුතුය. ඉන්දියාව තම එබඳු පුද්ගලයින් එලෙස හඳුන්වනු ලැබේ.
ඉහත කී ඊනියා ශ්රී ලාංකික වසන්තය සම්බන්ධව ඉන්දියාවේ රෝ (Raw) ඔත්තු සේවාව ද මැදිහත් වී ඇත. මෙම කාරණාව මා හට පුත්‍යක්ෂ වු එක් අවස්ථාවක් ලෙසට ජනාධිපතිවරණයට පසුව මැනිලා නගරයේ දී එහි සිටින ඉන්දීය තානාපතිතුමා මැතිවරණ ප‍්‍රතිඵල සම්බන්ධව දැක්වු ප‍්‍රකාශය සඳහන් කළ හැකිය. ඔහුට අනුව මහින්ද පලවා හැරීමේ ව්‍යාපාරය මීට අවුරුදු දෙකකට ඉහත දී ආරම්භ කරන ලද අතර ශ්රී ලංකාවේ බුද්ධි අංශය ඒ බව දැන ගෙන සිටියේ නැත. ඔහු විසින් ශ්රී ලංකාවේ බුද්ධි අංශය ඉතා දුර්වලයයි සඳහන් කළහ.
1920 සිට මැතිවරණ ප‍්‍රචාරක කටයුතු වලදී ප‍්‍රබල අපේක්ෂකයන්ට එරෙහිව පුද්ගලික අපහාස, අවලාද චරිතඝාතන බෙහෙවින් භාවිත කර ඇත. එකලදී එම කාර්ය කවි කොළකාරයන් විසින් මනාව සිදුකර ඇති අතර ඊනියා අඩු කුල වල සහාය ද ඉතා සූක්ෂමව හසුරුවා ගෙන ඇත. මෙම මැතිවරණයේදී මහින්දට එරෙහිව මූණුපොත් (Facebook) බහුලව භාවිතා කරන ලද අතර සුළු ජාතික සහායද සංවිධානාත්මකව හසුරුවා ගෙන ඇත.
අද වන විටදී ශ්රී ලංකාවේ මැතිවරණ දේශපාලන ඉතිහාසයෙහි කිසිදා සිදු නොවු සිදුවීමක් සිදුවෙමින් පවතී. පොදු විපක්ෂය අද ආණ්ඩුව අපේක්ෂා කළ පරිදි ජනාධිපතිවරණයෙන් මහින්දව පරදා ගෙදර යැවීමට හැකිවී නොමැත. එයට හේතුව මැතිවරණයට පසුව ශ්රී ලාංකික මහජනතාව බුරුතු පිටින් මහින්ද ගේ ගෙදරට යාම ය. ඒ අනුව මහින්දට ගෙදර සිටීමට නොහැකි වී ඇත. එය පැහැදිලි වශයෙන්ම ”මහින්ද සමග නැගිටිමු” යන තේමාව යටතේ දිනේෂ්, විමල්, වාසු හා ගම්මන්පිල විසින් නුගේගොඩින් ආරම්භ කොට මහනුවර, රත්නපුර, කුරුණෑගල, මාතර පවත්වනු ලැබූ දැවැන්ත දේශපාලන රැස්වීම් මගින් මනාව පෙන්වා දී ඇත. එමගින් පෙන්වා දෙන දේශපාලන යථාර්ථය නම් පසුගිය මැතිවරණයෙන් මෛත්රී - රනිල් ජයග්රහණය නොකළ බව පමණක් නොව මහින්ද එමගින් පරාජය වී නොමැති බවය. ඔහු ලැබූ පරාජය තාවකාලීක බව මහින්ද සමග නැගිටිමු යන වැඩසටහන් සැලකීමේදී දක්නට ඇත. එයට බහුතර ජනතාව සම්බන්ධවීමත් සමග බහුතර ශ‍්‍රීලනිප පාර්ලිමේන්තු මන්ත්රීන්, පළාත් සභා මන්ත්රීන් ප‍්‍රාදේශීය සභා මන්ත්රීන් සම්බන්ධ වෙමින් පවති.
මෙයට සමාන වු ජනතා ප‍්‍රතිචාරයක් යුඑන්පී ආණ්ඩුව විසින් සිරිමා බණ්ඩාරනායක මැතිනිය ගේ ප්රජා අයිතිය නැති කිරීමත් සමග දක්නට තිබුනි. අද බොහෝ ශ‍්‍රීලනිප නායකයන්ට යුඑන්පි රජය විසින් මැතිනියගේ ප්රජා අයිතිය අහිමි කිරීම අමතක වුවද ඇයට ආදරය කරන පාක්ෂිකයන්ට එම සිදුවීම කිසිසේත් අමතක නැත. අමතක කරන්නේ ද නැත.
මහින්ද ට ශ‍්‍රීලනිප යෙන් තරඟ කිරීමට ඉඩ නොදෙන බව වර්තමාන ශ‍්‍රීලනිප නායකත්වය විවෘතව ප‍්‍රකාශයට පත් කර ඇත. ඔහු ආවොත් සුළු ජාතික ජන්ද නොලැබෙන බව එයට හේතු වශයෙන් දක්වා ඇත. පාර්ලිමේන්තු මැතිවරණයකදී සුළු ජාතිකයන් තම වාර්ගික දේශපාලන පක්ෂවලට පමණක් තම ජන්දය පාවිච්චි කරනු ලැබේ. වර්තමානයේදී ක්රියාත්මක වන සමානුපාතික නියෝජන ක්රමය මගින් එය ඉතා පහසුවෙන් සිදුකල හඅකිව ඇත. මේ අනුව එය පිලිගත නොහැකි තර්කයකි. ශ‍්‍රීලනිප ය ට මහින්ද නොවේ නම් සුළු ජාතික ජන්ද පමණක් නොව බහුතරයෙහි බහුතර බලය ද අහිමි වනු ඇත.
මහින්ද ගෙදර ගොස් නැති අතර ඔහු මහජනතාව සමග ඇත. මහින්ද ඩාර්ලි පාරේ ද නැති අතර ඔහු ශ්රිලනිප ප්රමුඛ එජනිස පාක්ෂිකයන් සමග ඇත. ශ්රිලනිප යනු කොන්ක‍්‍රීට් ගොඩනැගිල්ලක් නොව රටට ආදරය කරන ජනසමූහයක එකතුවකි. එම ජනසමූහයෙහි ආකර්ෂණය මහින්දට මිස අන් කිසිවෙකුට නොවන බව ඉඳුරා ප්රකාශ කළහැකිය. ඒ අනුව ශ‍්‍රීලනිප ප්රමුඛ එක්සත් ජනතා නිදහස් සංවිධානය ඉදිරියේදී පැවැත්වෙන පාර්ලිමේන්තු මැතිවරණය ජයග්රහනය කිරීම සඳහා මහින්ද රාජපක්ෂ අගමැති අපේක්ෂකයා වශයෙන් නම් කළ යුතුය.
ආචාර්ය ගාමිනී සමරනායක
යුතුකම සංවාද කවය
Subscribe to:
Posts (Atom)
